ຫຼວງພະບາງ

ແຂວງຫຼວງພະບາງ ເປັນແຂວງໜຶ່ງຂອງ ລາວ ຕັ້ງຢູ່ທາງພາກເໜືອຂອງປະເທດ ບໍລິເວນແຄມຝັ່ງແມ່ນ້ຳຂອງ ແລະ ແມ່ນ້ຳຄານ ຊຶ່ງໄຫຼມາປ່ອງໃສ່ກັນ ແລະ ມີເມືອງເອກ ແມ່ນ ເມືອງຫຼວງພະບາງທີ່ເປັນມໍລະດົກໂລກອີກດ້ວຍ.

ທີ່ຕັ້ງ

ຕັ້ງຢູ່ພາກເໜືອ ຂອງ ສປປ ລາວ ຫ່າງຈາກນະຄອນຫຼວງວຽງຈັນ 390Km, ເປັນປະຕູ ເຂົ້າ-ອອກໃຫ້ບັນດາແຂວງພາກເໜືອ, ຊື່ງນອນຢູ່ໃນເສັ້ນຂະໜານເໜືອທີ 21°8’10”N ຫາ 18°52’56.6”N ແລະ ເສັ້ນແວງຕາເວັນອອກທີ 103°24’00”E ຫາ 101°43’21.8”E

• ທິດເໜືອຕິດກັບ ແຂວງຜົ້ງສາລີ ຍາວ 84,85 Km
• ທິດໃຕ້ຕິດກັບ ແຂວງວຽງຈັນ ຍາວ 152,56 Km
• ທິດຕາເວັນອອກຕິດກັບ ແຂວງຫົວພັນ ຍາວ 144,10 Km, ແຂວງຊຽງຂວາງ ຍາວ 119,40Km ແລະ ສ.ສ ຫວຽດນາມ ຍາວ 94.26 Km
• ທິດຕາເວັນຕົກຕິດກັບ ແຂວງອຸດົມໄຊ ຍາວ 161.06 Km ແລະ ແຂວງໄຊຍະບູລີ ຍາວ 146,00

ພູມສາດ

ມີເນື້ອທີ່ລວມທັງໝົດ 1.980.047 ຮຕ, ພູມສັນຖານສ່ວນໃຫຍ່ເປັນພູສູງ ພູດອຍ ແລະ ຜາຫີນສູງຊັນ ກວມ 85% ບ່ອນທີ່ສູງສຸດທຽບໃສ່ ລະດັບໜ້ານໍໍ້າທະເລແມ່ນຢູ່ຈອມພູໝຸ້ຽງ ເມືອງຈອມເພັດມ ຄວາມສູງ 2.257 ແມັດ ແລະ ບ່ອນຕໍ່າສຸດ ຢູ່ຈຸດປາກນໍໍ້າຄານ ນະຄອນ-ຫຼວງພະບາງ ມີປະມານ 260 ແມັດ. ໂດຍລວມແລ້ວໃນພື້ນທີ່ຂອງແຂວງ ຫຼວງພະບາງເປັນເຂດທີ່ມີ ຊັບພະຍາກອນທໍາມະຊາດທີ່ອຸດົມສົມບູນອັນເຕັມໄປດ້ວຍພູຜາປ່າໄມ້, ຫ້ວຍຮ່ອງຄອງບຶງ, ບໍ່ຄໍາ, ອັງຕີມອນ, ສັງກະສີ, ບໍ່ເຫຼັກ, ບໍ່ທອງ ແລະ ອື່ນໆ, ມີແມ່ນໍໍ້າລໍາເຊຫຼາຍສາຍທີ່ສໍາຄັນໄຫຼຜ່ານເປັນຕົ້ນ: ແມ່ນໍ້າຂອງ ທີ່ເປັນແມ່ນໍ້າສາຍຫຼັກ, ມີບັນດາສາຂາຂອງແມ່ນໍ້າຂອງເຊັ່ນ: ນໍ້າຄານ, ນໍ້າເຊືອງ, ນໍ້າອູ.

ປະຊາກອນ

ປະຊາກອນສະເລ່ຍຄວາມໜາແໜ້ນ 21,178 ຄົນ/ກິໂລຕາແມັດ, ໃນນັ້ນ; ລວມມ 3 ເຜົົ່າໃຫຍ່ທີ່ອາໃສຢູ່ຮ່ວມກັນຄື : ເຜົົ່າລາວລຸ່ມ, ເຜົົ່າກືມມຸ , ເຜົົ່າມົົ້ງ ໃນນັ້ນຍັງປະກອບມີເຜົົ່າຍ່ອຍອື່ນໆເຊັ່ນ: ລາວພຸດ, ໄຕດໍາ, ໄຕແດງ, ໄຕວາດ, ໄຕຜຽງ, ໄຕສາງ, ມົ້ງດໍາ, ມົ້ງຂາວ, ມົ້ງລາຍ, ອີມຽນ, ຊິງມູນ..... ນອກນັ້ນຍັງມີແຮງງານຕ່າງດ້າວອີກຈໍານວນໜຶ່ງ

ການປົກຄອງ

ແຂວງຫຼວງພະບາງປະກອບມ 11 ເມືອງ ແລະ 1 ນະຄອນ ຄື :

1. 06-01 ນະຄອນຫຼວງພະບາງ
2. 06-02 ເມືອງຊຽງເງິນ
3. 06-03 ເມືອງນານ
4. 06-04 ເມືອງປາກອູ
5. 06-05 ເມືອງນ້ຳບາກ
6. 06-06 ເມືອງງອຍ
7. 06-07 ເມືອງປາກແຊງ
8. 06-08 ເມືອງໂພນໄຊ
9. 06-09 ເມືອງຈອມເພັດ
10. 06-10 ເມືອງວຽງຄຳ
11. 06-11 ເມືອງພູຄູນ
12. 06-12 ເມືອງໂພນທອງ

ປະກອບມ 754 ບ້ານ, ມີ104 ກຸ່ມບຸ້ານ, ມີ 82,306 ຄົວເຮືອນ

ສະຖານທີ່ທ່ອງທ່ຽວ

• ຫໍພິພິດທະພັນແຫ່ງຊາດຫຼວງພະບາງ
• ຫໍພະບາງ
• ພະບາງ
• ພະຣາຊະວັງຊຽງແກ້ວ
• ພູສີ
• ວັດຊຽງທອງ
• ຖ້ຳຕິ່ງ
• ຖໍ້ານາງອັ໋ນ
• ນ້ຳຕົກຕາດກວາງຊີ
• ນ້ຳຕົກຕາດທອງ
• ຕາດແສ້
• ວັດວິຊຸນ
• ວັດໃໝ່
• ວັດພະບາດໃຕ້(ວັດຫວຽດ)
• ວັດແສນ
• ວັດຄີລີ
• ວັດປ່າໂພນເພົາ
• ວັດທາດນ້ອຍ
• ວັດຫົວຊຽງ
• ວັດໂພນໄຊ
• ວັດຊຽງມ່ວນ
• ວັດຈຸມຄ້ອງ
• ວັດປ່າໄຜ່
• ວັດສີພຸດທະບາດ
• ວັດໜອງສີຄູນເມືອງ
• ວັດສົບ
• ວັດສີບຸນເຮືອງ
• ວັດສິລິມຸງຄຸນໄຊຍາຣາມ
• ວັດປາກຄານ
• ວັດທາດຫຼວງ
• ວັດມະໂນຣົມ
• ວັດຖ້ຳພູສີ
• ວັດອາໄພ
• ວັດອາຮາມອຸດຕະມະທານີ
• ວັດໝື່ນນາ
• ວັດຈອມເພັດ
• ວັດຊຽງແມນ
• ວັດລ່ອງຄູນແລະຖ້ຳຄູຫາສັກກະລິນ
• ວັດສັງຄະໂລກ
• ບ້ານຊ້າງຄ້ອງ
• ບ້ານຜານົມ
• ຕະຫຼາດມືດ
• ສຸສານຫຼວງ(ປ່າຊ້າເຈົ້າຊີວິດ)
• ບ່ອນຝັ່ງສົບອອງຣີ ມູໂອດ
• ບ້ານຊຽງແມນ
• ບ້ານຫາດຫ່ຽນ
• ບ້ານຈ່ານ
• ບ້ານຊ່າງໄຫ
• ຕະຫຼາດຊົນເຜົ່າມົ້ງ
• ຕະຫລາດເຊົ້າຫລວງພະບາງ
• ຮ້ານກາເຟປະຊານິຍົມຫລວງພະບາງ
• ເຮືອນມໍລະດົກຊຽງມ່ວນ
• ເຂດບ້ານເຈັກ

ອ້າງອີງ

• ເອກະສານແຜນຈັດສັນທີ່ດິນ ແລະ ຄຸ້ມຄອງຊັບພະຍາກອນທຳມະຊາດ ຂອງແຂວງຫຼວງພະບາງ