ຊຽງຂວາງ
ເນື້ອທີ: 14.751 ກິໂລຕາແມັດ
ພົນລະເມືອງ: 261.686 ຄົນ, ຍິງ: 129.530 ຄົນ, ຊາຍ: 132.156 ຄົນ ແລະ ຄວາມໜາແໜ້ນ 17 ຄົນ/ກິໂລຕາແມັດ (ສະຖິຕິກາງປີ 2018)
ແຂວງຊຽງຂວາງ ເປັນແຂວງໜຶ່ງຕັ້ງຢູ່ທາງພາກເໜືອ ຂອງ ສປປ ລາວ ໂດຍທິດເໜືອຕິດກັບ ແຂວງຫົວພັນ ຍາວ 168 ກມ; ທິດໃຕ້ຕິດກັບ ແຂວງ ບໍລິຄຳໄຊ ມີຄວາມຍາວ 76 ກມ; ທິດຕາເວັນອອກຕິດກັບ ສສ. ຫວຽດນາມ ມີຄວາມຍາວ 163 ກມ ແລະ ທິດຕາເວັນຕົກຕິດກັບ ແຂວງ ຫລວງພະບາງ ແລະ ແຂວງວຽງຈັນ ມີຄວາມຍາວ 272 ກມ. ແຂວງຊຽງຂວາງ ໃນສະໄໝບູຮານ ມີຊື່ວ່າເມືອງພວນ ແລະ ຊາວ ເມືອງນີ້ ກໍ່ເອີ້ນ ກັນວ່າ ໄທພວນ. ຊຽງຂວາງ ເປັນແຂວງທີ່ມີຄວາມສຳຄັນ ທາງດ້ານຍຸດທະສາດການເມືອງ ແລະ ການທະຫານ, ຊຶ່ງໃນສະໄໝສົງຄາມຕໍ່ສູ້ ກູ້ຊາດ ຊຽງຂວາງ ແມ່ນແຂວງໜຶ່ງທີ່ເປັນຍຸດທະສາດ ແລະ ຍາດແຍ່ງ ຊຶ່ງໄດ້ຮັບຄວາມເສຍຫາຍຢ່າງໜັກໜ່ວງ ຈາກສົງຄາມທຳລາຍຂອງຈັກກະພັດ ຜູ້ຮຸກຮານ. ແຂວງຊຽງຂວາງ ມີເນື້ອທີ່ທັງໝົດປະມານ 14.751 ກມ2, ມີປະຊາກອນປະມານ 244.700 ກວ່າຄົນ, ທີ່ວ່າການແຂວງແມ່ນ ເມືອງແປກ (ໂພນສະຫວັນ).
ທີ່ຕັ້ງ
- ທິດເໜືອຕິດກັບ ແຂວງຫົວພັນ
- ທິດໃຕ້ຕິດກັບ ແຂວງໄຊສົມບູນ ແລະ ແຂວງບໍລິຄຳໄຊ
- ທິດຕາເວັນອອກຕິດກັບ ຫວຽດນາມ
- ທິດຕາເວັນຕົກຕິດກັບ ແຂວງຫຼວງພະບາງ
ບັນດາເມືອງ
ປະກອບມີ 8 ເມືອງຄື:
- ເມືອງແປກ (ໂພນສະຫວັນ)
- ເມືອງຄຳ
- ເມືອງໜອງແຮດ
- ເມືອງຄູນ
- ເມືອງໝອກ
- ເມືອງພູກູດ
- ເມືອງຜາໄຊ
- ເມືອງທ່າໂທມ
ສະຖານທີ່ທ່ອງທ່ຽວ
- ທົ່ງໄຫຫີນ
- ບໍ່ນ້ຳຮ້ອນ
- ວັດເພຍວັດ
- ຖ້ຳພະ(ເມືອງພູກູດ)
- ວັດໄຫຫີນ
- ໜອງນໍ້າຫງຳ
- ພູເກັງ
- ຖໍ້າປີວ (ເມືອງຄໍາ)
- ຕາດຄາ (ເມືອງໜອງແຮດ)
- ໂຮງໝໍເກົ່າ