ແຂວງຈຳປາສັກ
ຄຳຂັວນ ແຂວງຈຳປາສັກ: ຈຳປາສັກ ເອກະລັກວັດພູ ກຸຫຼາບປາກເຊ ກາເຟປາກຊ່ອງ ນ້ຳຂອງໂຕນຄອນ ສີພັນດອນລືນາມ.
ແຂວງຈຳປາສັກ (ຄຳເຄົ້າ: ແຂວງຈຳປາສັກດ໌[໑], ອັງກິດ: Champasak) ຕັ້ງຢູ່ຕອນໃຕ້ ຂອງ ສປປ ລາວ ມີເນື້ອທີ່ທັງໝົດ 1.541.500 ເຮັກຕາ, ມີພົນລະເມືອງທັງໝົດ : 762 ພັນຄົນ(ຂໍ້ມູນປີ 2021 ຈາກສູນສະຖິຕິແຫ່ງຊາດ), ທາງທິດເໜືອຕິດກັບແຂວງສາລະວັນ, ທາງທິດຕາເວັນອອກສ່ຽງ ເໜືອຕິດກັບແຂວງເຊກອງ, ທາງທິດຕາເວັນອອກຕິດກັບແຂວງອັດຕະປື, ທາງທິດຕາ ເວັນຕົກຕິດກັບປະ ເທດໄທ, ທາງ ທິດໃຕ້ຕິດກັບແຂວງປະເທດກຳປູເຈຍ, ແຂວງຈຳປາສັກແບ່ງອອກເປັນສອງເຂດ : ເຂດທົ່ງພຽງມີເນື້ອທີ່ 1.135.000 ເຮັກຕາເໝາະສຳລັບປູເຂົ້າແລະພືດຕະກຸນຖົ່ວ,ເຂດພູພຽງມີເນື້ອທີ່ 406.500 ເຮັກຕາ ເໝາະສຳລັບປູກພືດອຸດສາຫະກຳເຊັ່ນ : ກາເຟ, ໝາກແໜ່ງ, ຊາ, ພືດຜັກ ແລະ ຕົ້ນໄມ້ເສດຖາກິດ.
ແຂວງຈຳປາສັກແມ່ນແຂວງໜຶ່ງທີ່ອຸດົມສົມບູນໄປດ້ວຍຊັບພະຍາກອນທຳມະຊາດເປັນຕົ້ນ : ປ່າໄມ້,ພູຜາ,ແມ່ນ້ຳລຳເຊ,ບໍ່ແຮ່... ມີປ່າສະຫງວນແຫ່ງຊາດ 3 ແຫ່ງ : ເຊປ່ຽນ,ດົງຫົວສາວ ແລະ ພູຊຽງທອງ ແລະ ປ່າສະ ຫງວນຂອງແຂວງ : 7 ແຫ່ງ ທີ່ເຕັມໄປດ້ວຍສັດສາວາສິ່ງແລະຊີວະນາໆພັນເຊິ່ງເປັນສະຖານທີ່ທີ່ດຶງດູດນັກທ່ອງທ່ຽວທັງພາຍໃນແລະຕ່າງປະ ເທດ, ພິເສດແຂວງຈຳປາສັກມີແຫຼ່ງທ່ອງທ່ຽວທີ່ໂດດເດັ່ນທາງດ້ານວັດ ທະນະທຳ,ວັດຖຸບູຮານ,ປະຫັວດສາດແລະທຳມະຊາດທີ່ລືຊື່ຫຼາຍແຫ່ງເປັນຕົ້ນ : ສະຖານທີ່ວັດພູຈຳປາສັກ ມໍລະດົກໂລກແຫ່ງທີສອງຂອງສປປລາວ, ແຫຼ່ງທ່ອງທ່ຽວນ້ຳຕົກຄອນພະເພັງໃຫຍ່ທີ່ສຸດໃນຕາເວັນອອກສ່ຽງໃຕ້.
ແຂວງຈຳປາສັກມີດ່ານເຂົ້າ-ອອກເມືອງຫຼາຍຈຸດໃນນັ້ນ :ມີດ່ານສາກົນ 3 ຈຸດ ສາມາວິຊາກັບດ່ານໄດ້: ດ່ານສາກົນວັງເຕົ່າ, ດ່ານສາກົນສະໜາມບິນປາກເຊ, ດ່ານສາກົນໜອງນົກຂຽນ, ດ່ານປະເພນີ 4 ຈຸດ : ດ່ານບ້ານໃໝ່ສິງສຳພັນ ເມືອງຊະນະນສົມບູນ-ດ່ານ ບ້ານດ່ານ ອຳເພີໂຂງຈຽມ ໄທ, ດ່ານຊ່ອງຕະອູ ເມືອງສຸຂຸມາ-ອຳເພີບຸນທະລີກ ໄທ, ດ່ານຂອງເມືອງມູນ, ດ່ານດອນຂະເໝົາເມືອງໂຂງ-ກຳປູເຈຍ, ນອກນັ້ນ ຍັງມີສະຖານີລົດໂດຍສານຂອງແຂວງ VIP 3 ຈຸດ, ສະຖານີລົດສາຍໃຕ້-ສາຍເໜືອ ສາມາດເຊື່ອມໄປບັນດາແຂວງພາກໃຕ້, ພາກກາງ, ພາກເໜືອຂອງລາວ ແລະ ບັນດາປະເທດໃກ້ຄຽງ : ສສ ຫວຽດນາມ, ກຳປູເຈຍ, ໄທ
ບັນດາເມືອງ
- ນະຄອນປາກເຊ
- ເມືອງ ຊະນະສົມບູນ
- ເມືອງ ບາຈຽງຈະເລີນສຸກ
- ເມືອງ ປາກຊ່ອງ
- ເມືອງ ປະທຸມພອນ
- ເມືອງ ໂພນທອງ
- ເມືອງ ຈຳປາສັກ
- ເມືອງ ສຸຂຸມາ
- ເມືອງ ມູນລະປະໂມກ
- ເມືອງ ໂຂງ
ສະຖານທີ່ທ່ອງທ່ຽວ
- ມະຫານະທີ ສີພັນດອນ
- ເຂດເສດຖະກິດພິເສດຄອນພະເພັງ
- ຜາສາດຫີນວັດພູ
- ນ້ຳຕົກຕາດຄອນພະເພັງ
- ນ້ຳຕົກຕາດຫຼີ່ຜີ
- ຕາດຜາສ້ວມ
- ຕາດຟານ
- ຕາດເຍືອງ
- ຕາດກ້ວຍຫົວຊ້າງ
- ພູພຽງບໍລະເວນ
- ວັດພູສະເຫຼົາ
- ຂົວມິດຕະພາບລາວ-ຍີ່ປຸ່ນ
- ຂົວຂ້າມນ້ຳຂອງດອນໂຂງ
- ວັດຈອມເພັດ
- ວັດຫລວງປາກເຊ
- ວັງເຈົ້າບຸນອຸ້ມ
- ປ່າສະຫງວນແຫ່ງຊາດເຊປ່ຽນ
- ປ່າສະຫງວນແຫ່ງຊາດພູຊຽງທອງ
- ສີຫນຸກຣີສອດ