ສະຖາບັນ ເຕັກໂນໂລຊີການສື່ສານຂໍ້ມູນຂ່າວສານ: Difference between revisions

Latest revision as of 00:41, 28 ເມສາ 2024

ທີ່ຕັ້ງ ແລະ ພາລະບົດບາດ

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ຕົວອັກສອນຫຍໍ້ “ສຕສ” ຂຽນເປັນພາສາສາກົນ “Institute of Information and Communication Technology” ຂຽນຫຍໍ້ “IICT” ແມ່ນໂຄງປະກອບກົງຈັກ ຂອງ ກະຊວງເຕັກໂນໂລຊີ ແລະ ການສື່ສານ, ມີພາລະບົດບາດເປັນເສນາທິການໃຫ້ແກ່ກະຊວງເຕັກໂນໂລຊີ ແລະ ການສື່ສານ ໃນການຄົ້ນຄວ້າສ້າງ ແລະ ພັດທະນາຫຼັກສູດ, ກໍ່ສ້າງພັດທະນາບຸກຄະລາກອນ ແລະ ຈັດຕັ້ງປະຕິບັດວຽກງານຄົ້ນຄວ້າວິຊາການ ໃນຂະແໜງການເຕັກໂນໂລຊີ ແລະ ການສື່ສານ ໃຫ້ແກ່ສັງຄົມ.

ໜ້າທີ່

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ມີໜ້າທີ່ດັ່ງນີ້:

ປະຕິບັດກົດໝາຍ, ດໍາລັດ, ນິຕິກໍາອື່ນຂອງຂັ້ນເທິງ ແລະ ນິຕິກໍາຕ່າງໆຂອງ ກະຊວງເຕັກໂນໂລຊີ ແລະ ການສື່ສານ;
ຄົ້ນຄວ້າ, ເຊື່ອມຊຶ່ມແນວທາງນະໂຍບາຍຂອງພັກ ແລະ ລັດຖະບານ ກ່ຽວກັບວຽກງານຄົ້ນຄວ້າສ້າງ ແລະ ພັດທະນາຫຼັກສູດ, ກໍ່ສ້າງພັດທະນາບຸກຄະລາກອນ ແລະ ຈັດຕັ້ງປະຕິບັດວຽກງານຄົ້ນຄວ້າວິຊາການ ໃນຂະແໜງການເຕັກໂນໂລຊີ ແລະ ການສື່ສານ;
ສ້າງຮ່າງແຜນຍຸດທະສາດ ແລະ ນະໂຍບາຍ ກ່ຽວກັບວຽກງານຄົ້ນຄວ້າສ້າງ ແລະ ພັດທະນາຫຼັກສູດ, ກໍ່ສ້າງພັດທະນາບຸກຄະລາກອນ ແລະ ຈັດຕັ້ງປະຕິບັດວຽກງານຄົ້ນຄວ້າວິຊາການ ໃນຂະແໜງການເຕັກໂນໂລຊີ ແລະ ການສື່ສານ; ສ້າງແຜນງານ, ແຜນການ ແລະ ໂຄງການ ກ່ຽວກັບວຽກງານຕ່າງໆເພື່ອສະເໜີລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ພິຈາລະນາຮັບຮອງ ແລະ ອະນຸມັດ ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນດີ;
ສຶກສາອົບຮົມການເມືອງແນວຄິດໃຫ້ແກ່ຄູ-ອາຈານ, ພະນັກງານ, ລັດຖະກອນ ແລະ ນັກສຶກສາຂອງ ສຕສ;
ພັດທະນາ ແລະ ກໍ່ສ້າງບຸກຄະລາກອນຂະແໜງການ ເຕັກໂນໂລຊີ ແລະ ການສື່ສານ ໃຫ້ແກ່ສັງຄົມໂດຍອີງໃສ່ ແຜນຍຸດທະສາດ ແລະ ແຜນການ 5 ປີ ຂອງ ກະຊວງເຕັກໂນໂລຊີ ແລະ ການສື່ສານ;
ສ້າງ ແລະ ພັດທະນາຫຼັກສູດ ການຮຽນ-ການສອນ ທາງດ້ານເຕັກໂນໂລຊີ ແລະ ການສື່ສານ ໃຫ້ສອດຄ່ອງກັບມາດຕະຖານການສຶກສາຊັ້ນສູງ ຂອງ ກະຊວງສຶກສາທິການ ແລະ ກິລາ;
ຄົ້ນຄວ້າວິຊາການ ແລະ ການນໍາໃຊ້ເຕັກໂນໂລຊີການສື່ສານຂໍ້ມູນຂ່າວສານ ເຂົ້າໃນການຮຽນ-ການສອນ ແລະ ການຝຶກອົບຮົມ ໃຫ້ພະນັກງານຄູ-ອາຈານ ແລະ ພະນັກງານ-ລັດຖະກອນ ຂະແໜງ ເຕັກໂນໂລຊີ ແລະ ການສື່ສານ;
ປັບປຸງຄຸນນະພາບ ການສຶກສາພາຍໃນ ສຕສ ເພື່ອໃຫ້ໄດ້ຕາມມາດຕະຖານຄຸນນະພາບການສຶກສາຊັ້ນສູງ ທີ່ ກະຊວງສຶກສາທິການ ແລະ ກິລາ ວາງອອກ ໃນແຕ່ລະໄລຍະ;
ສ້າງແຜນວຽກ ແລະ ແຜນລາຍຮັບ-ລາຍຈ່າຍ ດ້ານວິຊາການ ພາຍໃນ ສຕສ ເພື່ອນໍາສະເໜີຕໍ່ກະຊວງເຕັກໂນໂລຊີ ແລະ ການສື່ສານ;
ຄຸ້ມຄອງ ແລະ ນໍາໃຊ້ລາຍຮັບ ວິຊາການ ຕາມການອະນຸມັດ ຂອງ ກະຊວງ ກະຊວງເຕັກໂນໂລຊີ ແລະ ການສື່ສານ;
ຄຸ້ມຄອງການນໍາໃຊ້ຊັບສົມບັດ ແລະ ງົບປະມານ ທີ່ ກະຊວງເຕັກໂນໂລຊີ ແລະ ການສື່ສານ ອະນຸມັດ;
ຈັດຕັ້ງປະຕິບັດລະບອບກວດກາ-ກວດການປະຕິບັດໜ້າທີ່ວຽກງານ ຂອງ ສຕສ ໃຫ້ເປັນປົກກະຕິ;
ຂຶ້ນແຜນບໍາລຸງ, ກໍ່ສ້າງ, ຄຸ້ມຄອງ ພະນັກງານ-ລັດຖະກອນ, ຄູ-ອາຈານ ແລະ ນັກສຶກສາ ພາຍໃນ ສຕສ;
ພົວພັນຮ່ວມມືທັງພາຍໃນ ແລະ ຕ່າງປະເທດ ໃນການຄົ້ນຄວ້າ, ແລກປ່ຽນບົດຮຽນ, ຈັດຝຶກອົບຮົມ ໃຫ້ແກ່ພະນັກງານ, ຄູ-ອາຈານ, ນັກສຶກສາ ພາຍໃນ ສຕສ ແລະ ພະນັກງານ-ລັດຖະກອນ ຂະແໜງ ເຕັກໂນໂລຊີ ແລະ ການສື່ສານ ພ້ອມຍາດແຍ່ງການຊ່ວຍເຫຼືອ ຕາມການເຫັນດີ ຂອງຄະນະນຳ ກະຊວງເຕັກໂນໂລຊີ ແລະ ການສື່ສານ;
ຂຶ້ນແຜນເພື່ອຊຸກຍູ້ ແລະ ສົ່ງເສີມໃຫ້ ພະນັກງານຄູອາຈານ ແລະ ນັກສຶກສາ ພາຍໃນ ສຕສ ຈັດຕັ້ງປະຕິບັດວຽກງານຄົ້ນຄວ້າວິຊາການ ແລະ ສາມາດເຜີຍແຜ່ຜົນງານອອກສູ່ສັງຄົມ;
ສະຫຼຸບ, ລາຍງານ ວຽກງານຂອງຕົນ ໃຫ້ລັດຖະມົນຕີ, ຫົວໜ້າອົງການລັດທຽບເທົ່າກະຊວງ ຊາບ ແລະ ເພື່ອຊີ້ນໍາ;
ປະຕິບັດໜ້າທີ່ອື່ນ ຕາມທີ່ກໍານົດໄວ້ໃນນິຕິກໍາອື່ນ ແລະ ການມອບໝາຍຂອງລັດຖະມົນຕີ, ຮອງລັດຖະມົນຕີ ຜູ້ຊີ້ນໍາ.

ຂອບເຂດສິດ

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ມີສິດ ດັ່ງນີ້:

ສະເໜີປັບປຸງ, ສ້າງຕັ້ງ, ລົບລ້າງ ກົງຈັກການຈັດຕັ້ງ ທີ່ຂຶ້ນກັບສິດຄຸ້ມຄອງ ຂອງ ສຕສ ໃນເມື່ອເຫັນວ່າບໍ່ສອດຄ່ອງ;
ສະເໜີ ກະຊວງເຕັກໂນໂລຊີ ແລະ ການສື່ສານ ໃນການສ້າງ, ປັບປຸງຫຼັກສູດ ການຮຽນ-ການສອນ ແລະ ແຜນພັດທະນາບຸກຄະລາກອນ ທາງດ້ານ ເຕັກໂນໂລຊີ ແລະ ການສື່ສານ;
ອອກປະກາສະນິຍະບັດ, ໃບຄະແແນນ ແລະ ໃບຢັ້ງຢືນການສຶກສາ ໃນລະດັບຕ່າງໆ ພາຍໃນ ສຕສ;
ສະເໜີນໍາໃຊ້ເຕັກໂນໂລຊີ ເຂົ້າໃນວຽກງານ ການຮຽນ-ການສອນ ແລະ ການຝຶກອົບຮົມ;
ເປີດກອງປະຊຸມສະພາສະຖາບັນ, ສະພາບໍລິຫານ, ສະພາວິຊາການ ແລະ ກອງປະຊຸມປະຈໍາງວດ, ປີ ເພື່ອສະຫຼຸບຖອດຖອນບົດຮຽນ ແລະ ວາງແຜນ ການຈັດຕັ້ງປະຕິບັດວຽກງານ ໃນແຕ່ລະໄລຍະ;
ພົວພັນຮ່ວມມື ແລະ ບັນທຶກການຮ່ວມມື ກັບຂະແໜງການທີ່ກ່ຽວຂ້ອງ ທາງດ້ານວິຊາການ ເພື່ອພັດທະນາບຸກຄະລາກອນ ຂະແໜງ ເຕັກໂນໂລຊີ ແລະ ການສື່ສານ ທັງພາຍໃນ ແລະ ຕ່າງປະເທດ ຕາມການເຫັນດີຂອງຄະນະນໍາ ກະຊວງເຕັກໂນໂລຊີ ແລະ ການສື່ສານ;
ນໍາໃຊ້ຊັບສົມບັດ, ງົບປະມານ ແລະ ລາຍຮັບວິຊາການຕາມລະບຽບການຂອງ ກະຊວງເຕັກໂນໂລຊີ ແລະ ການສື່ສານ;
ປັບປຸງລະບຽບພາຍໃນ, ນິຕິກໍາ ທີ່ກ່ຽວຂ້ອງ ເພື່ອຄຸ້ມຄອງພະນັກງານ, ນັກສຶກສາ ແລະ ລາຍຮັບ-ລາຍຈ່າຍ ພາຍໃນ ສຕສ;
ສະເໜີແຕ່ງຕັ້ງ, ຍົກຍ້າຍ, ຊັບຊ້ອນ, ເລື່ອນຊັ້ນ-ຂັ້ນ, ຍ້ອງຍໍ, ປະຕິບັດວິໄນ ແລະ ປະຕິບັດນະໂຍບາຍອື່ນໆ ຕໍ່ ພະນັກງານ-ລັດຖະກອນ, ຄູ-ອາຈານ ແລະ ນັກສຶກສາພາຍໃນ ສຕສ;
ຄຸ້ມຄອງ ຕິດຕາມກວດກາການເຄື່ອນໄຫວ ຂອງພະນັກງານ, ຄູ-ອາຈານ ແລະ ນັກສຶກສາ ພາຍໃນ ສຕສ;
ປະຕິບັດສິດອື່ນໆ ຕາມທີ່ກຳນົດໄວ້ໃນນິຕິກຳອື່ນ ແລະ ການມອບໝາຍຂອງລັດຖະມົນຕີ, ຮອງລັດຖະມົນຕີ ຜູ້ຊີ້ນຳ.

ໂຄງປະກອບກົງຈັກ

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ມີໂຄງປະກອບກົງຈັກ ດັ່ງລຸ່ມນີ້:

ພະແນກ ສັງລວມ;
ພະແນກ ແຜນການ, ການຮ່ວມມື ແລະ ການເງິນ;
ພະແນກ ຄຸ້ມຄອງ ແລະ ກິດຈະກຳນັກສຶກສາ;
ພະແນກ ພັດທະນາຫຼັກສູດ ແລະ ປະກັນຄຸນນະພາບ;
ພະແນກ ຄຸ້ມຄອງ ແລະ ພັດທະນາ ໄອຊີທີ;
ພະແນກ ຝຶກອົບຮົມ ໄອຊີທີ;
ພາກວິຊາ ເຕັກໂນໂລຊີການສື່ສານ ແລະ ຂໍ້ມູນຂ່າວສານ;
ພາກວິຊາ ບໍລິຫານ ແລະ ເຕັກໂນໂລຊີລະດັບສູງ.

ນອກນີ້, ຍັງມີສະພາສະຖາບັນ, ສະພາບໍລິຫານ, ສະພາວິຊາການ ທີ່ຂຶ້ນກັບ ສະຖາບັນເຕັກໂນໂລຊີການສື່ສານຂໍ້ມູນຂ່າວສານ.

ໂຄງປະກອບບຸກຄະລາກອນ

ສະຖາບັນເຕັກໂນໂລຊີການສື່ສານຂໍ້ມູນຂ່າວສານ ມີໂຄງປະກອບບຸກຄະລາກອນ ດັ່ງລຸ່ມນີ້:

ຫົວໜ້າສະຖາບັນເຕັກໂນໂລຊີການສື່ສານຂໍ້ມູນຂ່າວສານ ຈໍານວນ 01 ທ່ານ, ຮັບຜິດຊອບຕໍ່ລັດຖະມົນຕີກະຊວງ ແລະ ຮອງລັດຖະມົນຕີກະຊວງຜູ້ຊີ້ນໍາຂົງເຂດວຽກງານ ກ່ຽວກັບ ຜົນສໍາເລັດ ແລະ ຂໍ້ຂາດຕົກບົກຜ່ອງ ໃນການປະຕິບັດວຽກງານ ຂອງຕົນ. ໃນເວລາຫົວໜ້າສະຖາບັນ ຕິດຂັດ ຕ້ອງມອບສິດໃຫ້ຮອງຫົວໜ້າສະຖາບັນທ່ານໃດໜຶ່ງ ຮັກສາການແທນ.
ຮອງຫົວໜ້າສະຖາບັນເຕັກໂນໂລຊີການສື່ສານຂໍ້ມູນຂ່າວສານ ຈຳນວນໜຶ່ງ ຊ່ວຍຫົວໜ້າສະຖາບັນຊີ້ນໍາວຽກງານໃດໜຶ່ງ ຕາມການແບ່ງງານ ແລະ ການມອບໝາຍ; ຮັບຜິດຊອບຕໍ່ຫົວໜ້າສະຖາບັນ ກ່ຽວກັບ ຜົນສໍາເລັດ ແລະ ຂໍ້ຂາດຕົກບົກຜ່ອງຂອງວຽກງານທີ່ຕົນຊີ້ນໍາ. ຮອງຫົວໜ້າສະຖາບັນ ຜູ້ຮັກສາການແທນ ຕ້ອງລາຍງານວຽກງານທີ່ໄດ້ຈັດຕັ້ງປະຕິບັດໃນໄລຍະຮັກສາການແທນນັ້ນ ໃຫ້ຫົວໜ້າສະຖາບັນ ພາຍຫຼັງກັບມາປະຈໍາການ.
ຫົວໜ້າພະແນກ, ຮອງຫົວໜ້າພະແນກ ແລະ ລັດຖະກອນວິຊາການຈໍານວນໜຶ່ງ ຕາມການກໍານົດຕໍາແໜ່ງງານ.

ສໍາລັບການບັນຈຸ, ສັບຊ້ອນ, ແຕ່ງຕັ້ງ, ຍົກຍ້າຍ ຫຼື ປົດຕໍາແໜ່ງ ແມ່ນປະຕິບັດຕາມກົດໝາຍ ແລະ ລະບຽບການ.

ໜ້າທີ່ຂອງ ແຕ່ລະ ພະແນກ

ໜ້າທີ່ຂອງພະແນກ ສັງລວມ

ພະແນກ ສັງລວມ ມີໜ້າທີ່ ດັ່ງນີ້:

ເປັນໃຈກາງ ປະສານງານ ກັບ ບັນດາຫ້ອງການ ແລະ ພາກສ່ວນຕ່າງໆ ກ່ຽວກັບ ວຽກງານການບໍລິຫານ ແລະ ຈັດຕັ້ງ ພາຍໃນ ສຕສ;
ຈັດຕັ້ງເຜີຍແຜ່ແນວທາງນະໂຍບາຍ ແລະ ຂໍ້ກໍານົດກົດລະບຽບຕ່າງໆ ສຕສ ວາງອອກ;
ເລຂານຸການ, ສັງລວມ, ສໍາເນົາ ແລະ ຄຸ້ມຄອງເອກະສານ ແບບເຈ້ຍ ແລະ ແບບເອເລັກໂຕຣນິກຂອງ ສຕສ;
ສະຫຼຸບສັງລວມ ແຜນການປະຈໍາອາທິດ, ເດືອນ, ງວດ ແລະ ປີ ຂອງ ສຕສ ເພື່ອລາຍງານຫ້ອງການ ກະຊວງເຕັກໂນໂລຊີ ແລະ ການສື່ສານ;
ຕິດຕາມສະຫຼຸບຕີລາຄາ ການປະເມີນຜົນການຈັດຕັ້ງປະຕິບັດ ສິດ, ໜ້າທີ່ ແລະ ພາລະບົດບາດ ຂອງບັນດາພະແນກການ ແລະ ພະນັກງານ ພາຍໃນ ສຕສ ແລະ ຄົ້ນຄວ້າສັງລວມຂໍ້ມູນກ່ຽວກັບການ ສະເໜີປັບປຸງ ກົງຈັກການຈັດຕັ້ງ ຂອງ ສຕສ ໃຫ້ສອດຄ່ອງກັບວຽກງານຕົວຈິງ;
ຂຶ້ນແຜນຄວາມຕ້ອງການບຸກຄະລາກອນ ແຕ່ລະຕຳແໜ່ງງານ ແລະ ແຜນບຳລຸງກໍ່ສ້າງພະນັກງານນໍາພາ-ຄຸ້ມຄອງ ແລະ ຍົກລະດັບພະນັກງານ ແຕ່ລະໄລຍະ;
ຄຸ້ມຄອງຊີວະປະຫວັດ ແລະ ການຈັດຕັ້ງປະຕິບັດໜ້າທີ່ວຽກງານຂອງ ພະນັກງານ ສຕສ;
ຄົ້ນຄວ້າ ແລະ ຄັດເລືອກພະນັກງານຜູ້ທີ່ມີເງື່ອນໄຂຄົບຖ້ວນ ເຂົ້າຮ່ວມຄະນະຮັບຜິດຊອບໃດໜຶ່ງ, ກອງປະຊຸມ, ສໍາມະນາ ແລະ ຝຶກອົບຮົມທັງພາຍໃນ ແລະ ຕ່າງປະເທດ ພ້ອມຮ່າງເອກະສານຕິດພັນ ທີ່ກ່ຽວຂ້ອງ;
ຕິດຕາມນໍາໃຊ້ລະບົບປະກັນສັງຄົມ ໃຫ້ແກ່ພະນັກງານ-ລັດຖະກອນ ພາຍໃນ ສຕສ ແລະ ສະເໜີ ຂໍນະໂຍບາຍ ຈາກຂັ້ນເທິງ ເພື່ອຢ້ຽມຢາມພະນັກງານເຈັບເປັນ, ເສຍຊີວິດ ແລະ ພະນັກງານບໍານານ;
ຄົ້ນຄວ້າ ແລະ ສະເໜີຍ້ອງຍໍ ແລະ ປະຕິບັດວິໄນ ຕໍ່ພະນັກງານ-ລັດຖະກອນ, ຄູ-ອາຈານ ພາຍໃນ ສຕສ;
ສະເໜີດັດແກ້ການເລື່ອນ ຊັ້ນ-ຂັ້ນ ປົກກະຕິ, ເລື່ອນ 95% ຂຶ້ນເປັນ 100%, ພົ້ນຊັ້ນ ແລະ ດັດແກ້ໃບປະກາສະນິຍະບັດ;ສັງລວມ ຂຶ້ນແຜນ ຂໍເຄື່ອງໃຊ້ຫ້ອງການ ປະຈໍາເດືອນ, ງວດ ແລະ ປີ ພາຍໃນ ສຕສ;
ຂຶ້ນແຜນ ແລະ ຈັດພິທີ ເພື່ອຕ້ອນຮັບວັນສໍາຄັນຕ່າງໆ ແລະ ຮັບແຂກທັງພາຍໃນ ແລະ ຕ່າງປະເທດ;
ຂຶ້ນແຜນ ແລະ ຈັດກອງປະຊຸມ ສະພາສະຖາບັນ ແລະ ສະພາບໍລິຫານ ແຕ່ລະໄລຍະ;
ຄຸ້ມຄອງ ແລະ ບໍາລຸງຮັກສາ ອາຄານສະຖານທີ່, ພາຫະນະ, ວັດຖຸ, ອຸປະກອນພາຍໃນຫ້ອງຮຽນ, ອຸປະກອນສິດສອນ, ຫ້ອງຮຽນ, ຫ້ອງທົດລອງ ແລະ ອື່ນໆ;
ກວດກາຊັບສິນ, ອຸປະກອນເຄື່ອງຮັບໃຊ້ຫ້ອງການທັງໝົດ ພາຍໃນ ສຕສ ໃນແຕ່ລະເດືອນ, ງວດ ແລະ ປະຈໍາປີ;
ຕິດຕາມກວດກາ ການຮັກສາຄວາມສະອາດ ແລະ ຄວາມປອດໄພ ພາຍໃນ ສຕສ;
ກວດກາການສະຫຼຸບຊົ່ວໂມງສິດສອນ ຂອງ ຄູ-ອາຈານ ແຕ່ລະເດືອນ;
ຂຶ້ນແຜນ ແລະ ຈັດຕັ້ງປະຕິບັດການໂຄສະນາປະຊາສໍາພັນ ຂໍ້ມູນ ສຕສ ຜ່ານສື່ຕ່າງໆ (ແຜ່ນພັບ, ສື່ສິ່ງພິມ, ເວັບໄຊທ໌, ສື່ສັງຄົມອອນລາຍ ເປັນຕົ້ນ) ໃຫ້ກັບສັງຄົມ;
ຂຶ້ນແຜນ ແລະ ເປັນເຈົ້າການໃນການຈັດຕັ້ງຮັບນັກສຶກສາເຂົ້າຮຽນ ແຕ່ລະສົກຮຽນ ພາຍໃນ ສຕສ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການພັດທະນາ ບຸກຄະລາກອນ ພາຍໃນ ສຕສ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງເປັນປົກກະຕິ;
ປະຕິບັດວຽກງານອື່ນໆ ຕາມການມອບໝາຍ ຂອງ ຄະນະນໍາ ສຕສ.

ໜ້າທີ່ຂອງພະແນກ ແຜນການ, ການຮ່ວມມື ແລະ ການເງິນ

ພະແນກ ແຜນການ, ການຮ່ວມມື ແລະ ການເງິນ ມີໜ້າທີ່ ດັ່ງນີ້:

ຄົ້ນຄວ້າ, ສັງລວມ, ນຳສະເໜີ, ຜັນຂະຫຍາຍ, ຕິດຕາມ, ກວດກາ, ປະເມີນຜົນ, ສະຫຼຸບ, ລາຍງານວຽກງານການສ້າງແຜນ ແລະ ການຈັດຕັ້ງປະຕິບັດແຜນຍຸດທະສາດ,ແຜນການ ແລະໂຄງການ ເພື່ອພັດທະນາ ສຕສ ໄລຍະ 10 ປີ, 5 ປີ ແລະ ປະຈໍາປີ, ປະຈໍາ 6 ເດືອນຕົ້ນປີ, 6 ເດືອນທ້າຍປີ;
ຄົ້ນຄວ້າ, ສັງລວມບົດສະເໜີໂຄງການ ແລະ ຕິດຕາມ, ກວດກາ, ປະເມີນຜົນການຈັດຕັ້ງປະຕິບັດວຽກໂຄງການ ຂອງ ສຕສ ເປັນແຕ່ລະໄລຍະ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການພັດທະນາ ວຽກງານແຜນການ, ການຮ່ວມມື ແລະ ການເງິນ ພາຍໃນ ສຕສ;
ຄົ້ນຄວ້າໂຄງຮ່າງການເກັບກຳຂໍ້ມູນສະຖິຕິຕ່າງໆຂອງສະຖາບັນ ແລະ ຕິດຕາມ, ຜັນຂະຫຍາຍ ໃຫ້ແຕ່ລະພະແນກ ປະກອບຂໍ້ມູນເຂົ້າຕາມຮ່າງທີ່ກຳນົດໄວ້;
ຂຶ້ນແຜນ, ສະຫລຸບ ແລະ ສັງລວມ ລາຍຮັບຄ່າທໍານຽມ ແລະ ຄ່າບໍລິການວິຊາການ ຂອງ ສຕສ ປະຈໍາເດືອນ, ປະຈໍາງວດ, ປະຈໍາ 6 ເດືອນຕົ້ນປີ ແລະ ປະຈໍາປີ;
ຕິດຕາມ ແລະ ຈັດຕັ້ງປະຕິບັດເກັບລາຍຮັບຄ່າບໍລິການ-ຄ່າທຳນຽມຂອງ ສຕສ ມອບເຂົ້າກະຊວງ ເຕັກໂນໂລຊີ ແລະ ການສື່ສານ ໃຫ້ໄດ້ຄົບຖ້ວນ ແລະ ທັນເວລາ ຕາມແຜນລາຍຮັບປະຈຳປີທີ່ວາງໄວ້;
ສະຫຼຸບ ສະຖິຕິໃບສັ່ງມອບ ຄ່າທໍານຽມ ແລະ ຄ່າບໍລິການວິຊາການ ຂອງ ສຕສ ປະຈໍາເດືອນ, ປະຈໍາງວດ ແລະ ປະຈໍາປີ;
ຕິດຕາມ, ສັງລວມບັນຊີໜີ້ສິນ ແລະ ລາຍງານບັນດາໜີ້ສິນທັງໝົດຂອງສະຖາບັນປະຈຳເດືອນ, ງວດ, 6 ເດືອນຕົ້ນປີ, 6 ເດືອນທ້າຍປີ ແລະ ປະຈໍາປີ;
ຂຶ້ນແຜນ, ຕິດຕາມ, ສະຫຼຸບ ແລະ ລາຍງານການຈັດຕັ້ງປະຕິບັດເງິນງົບປະມານທີ່ໄດ້ຮັບອະນຸມັດຈາກກະຊວງເຕັກໂນໂລຊີ ແລະ ການສື່ສານ ປະຈຳວັນ, ປະຈຳເດືອນ, ງວດ, ປີ;
ຄຸ້ມຄອງເງິນສົດ ແລະ ເບີກຈ່າຍເງິນຕ່າງໆ ທີ່ໄດ້ຮັບອະນຸມັດ ຈາກກະຊວງເຕັກໂນໂລຊີ ແລະ ການສື່ສານ;
ຄິດໄລ່, ປະກອບເອກະສານສະເໜີຂໍເງິນຮ່ວງຊົ່ວໂມງສອນ, ຈັດກອງປະຊຸມ, ສໍາມະນາ, ຝຶກອົບ ຮົມ, ໄປເຄື່ອນໄຫວວຽກທາງການພາຍໃນ-ຕ່າງປະເທດ ແລະ ຮ່ວງອື່ນໆ ຕາມຂໍ້ຕົກລົງຂອງກະຊວງເຕັກໂນໂລຊີ ແລະ ການສື່ສານ ທີ່ອະນຸມັດໃຫ້ສະຖາບັນ ຕສ ຈັດຕັ້ງປະຕິບັດ ໃນແຕ່ລະໄລຍະ;
ຄົ້ນຄວ້າ, ສະເໜີຂໍອະນຸມັດຮັບເອົາຊ່ຽວຊານ ແລະ ອາສາສະໝັກເພື່ອປະຈຳການຢູ່ສະຖາບັນ ສຕສ;
ຄົ້ນຄວ້າ ແລະ ສ້າງຮ່າງບົດບັນທຶກຄວາມເຂົ້າໃຈ ກ່ຽວກັບ ຂອບການຮ່ວມມືຂອງສະຖາບັນ ຮ່ວມກັບຄູ່ຮ່ວມມືພາຍໃນ ແລະ ຕ່າງປະເທດ ຕາມທິດຊີ້ນຳຂອງຂັ້ນເທິງ;
ເປັນຈຸດໃຈກາງໃນການປະສານງານ ແລະ ພົວພັນວຽກງານການຮ່ວມມືທັງພາຍໃນ ແລະ ຕ່າງປະເທດ
ສະຫລຸບ, ລາຍງານຄວາມຄືບໜ້າ ກ່ຽວກັບ ວຽກງານການຮ່ວມມື ແຕ່ລະໄລຍະ;
ຄົ້ນຄວ້າ, ສັງລວມ ແລະ ປະກອບຄຳເຫັນໃສ່ຮ່າງເອກະສານຕ່າງໆ ທີ່ມາຈາກກົມແຜນການ ແລະ ການເງິນ ຂອງກະຊວງເຕັກໂນໂລຊີ ແລະ ການສື່ສານ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆ ຕາມການມອບໝາຍຂອງ ຄະນະນຳ ສຕສ.

ໜ້າທີ່ຂອງພະແນກ ຄຸ້ມຄອງ ແລະ ກິດຈະກຳນັກສຶກສາ

ພະແນກ ຄຸ້ມຄອງ ແລະ ກິດຈະກຳ ນັກສຶກສາ ມີໜ້າທີ່ ດັ່ງນີ້:

ຄຸ້ມຄອງປະຫວັດ ແລະ ເກັບກຳສະຖິຕິຂອງ ນັກສຶກສາແຕ່ລະຮຸ່ນ;
ຂຶ້ນແຜນ ແລະ ເຮັດບັດນັກສຶກສາແຕ່ລະຮຸ່ນ;
ສະເໜີແຕ່ງຕັ້ງຄູປະຈໍາຫ້ອງ ແລະ ຊີ້ນໍາການປະຕິບັດວຽກງານ;
ພິມໃບປະກາສະນີຍະບັດ, ໃບຄະແນນ, ໃບຢັ້ງຢືນການສຶກສາຕ່າງໆ ຂອງນັກສຶກສາ ພ້ອມທັງແຈກຢາຍ ແລະ ສຳເນົາ;
ເກັບກໍາ ແລະ ກວດກາສະຖິຕິນັກສຶກສາຂາດຮຽນ ເພື່ອເປັນບ່ອນອີງໃນການປະຕິບັດຕາມລະບຽບຂອງ ສຕສ;
ຄົ້ນຄວ້າ, ສະເໜີຍ້ອງຍໍ ນັກສຶກສາທີ່ມີຜົນງານດີເດັ່ນ ແລະ ປະຕິບັດວິໄນ ຕໍ່ນັກສຶກສາ ທີ່ຜິດລະບຽບ ສຕສ ແລະ ກົດໝາຍບ້ານເມືອງ;
ຂຶ້ນແຜນ ແລະ ເຜີຍແຜ່ ບັນດາລະບຽບການ, ຂໍ້ກຳນົດ, ກົດລະບຽບ ສຕສ ແລະ ບ້ານເມືອງວາງອອກ ໃຫ້ນັກສຶກສາ;
ຂຶ້ນແຜນ ແລະ ນໍາພາການເຄື່ອນໄຫວການຈັດຕັ້ງປະຕິບັດກິດຈະກໍານອກຫຼັກສູດ ທີ່ຕິດພັນກັບ ສາມ ລັກສະນະ ຫ້າ ຫຼັກມູນການສຶກສາ ແລະ ວິຊາສະເພາະ
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບວຽກງານຄຸ້ມຄອງ ນັກສຶກສາ ແລະ ຫ້ອງສະໝຸດ ພາຍໃນ ສຕສ;
ເປັນເຈົ້າການໃຫ້ຄໍາປຶກສາແກ່ນັກສຶກສາ ຕໍ່ກັບວຽກງານວິຊາສະເພາະ, ສາຍຮຽນ, ສາຍອາຊີບ ເປັນຕົ້ນ;
ປະສານສົມທົບກັບເຄືອຂ່າຍຜູ້ປະກອບການ ແລະ ອາດີດນັກສຶກສາ ເພື່ອເກັບກຳສະຖິຕິ ການມີວຽກເຮັດງານທຳ, ຂໍການອຸປະຖຳ ແລະ ສ້າງກິດຈະກໍາຕ່າງໆ;
ຊຸກຍູ້ສົ່ງເສີມ ແລະ ອໍານວຍຄວາມສະດວກໃຫ້ແກ່ການເຄື່ອນໄຫວຂອງ 3 ອົງການຈັດຕັ້ງມະຫາຊົນ ຂອງນັກສຶກສາ ສຕສ;
ຄຸ້ມຄອງ ແລະ ປັບປຸງວຽກງານຫ້ອງສະໝຸດ ພ້ອມແນະນໍາ ກ່ຽວກັບວິທີການນໍາໃຊ້ປື້ມ ແລະ ລະບຽບການຕ່າງໆ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ.
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆ ຕາມການມອບໝາຍຂອງ ຄະນະນໍາ ສຕສ.

ໜ້າທີ່ຂອງພະແນກ ພັດທະນາຫຼັກສູດ ແລະ ປະກັນຄຸນນະພາບ

ພະແນກ ພັດທະນາຫຼັກສູດ ແລະ ປະກັນຄຸນນະພາບ ມີໜ້າທີ່ ດັ່ງນີ້:

ວິເຄາະຄວາມຕ້ອງການຂອງຕະຫຼາດແຮງງານຕາມແຜນພັດທະນາເສດຖະກິດສັງຄົມເປັນແຕ່ລະໄລຍະ;
ຂຶ້ນແຜນ, ຄົ້ນຄວ້າສ້າງ, ປັບປຸງ ແລະ ພັດທະນາຫຼັກສູດໄລຍະສັ້ນ-ຍາວ, ຫຼັກສູດການຮຽນທາງໄກ ແຕ່ລະໄລຍະ;
ຂຶ້ນແຜນຮັບນັກສຶກສາ ໃນແຕ່ລະສົກປີ ອີງໃສ່ຫຼັກສູດທີ່ຮັບການອະນຸມັດນຳໃຊ້ ແລະ ຈໍານວນຄູ-ອາຈານ ເພື່ອຂໍອະນຸມັດຈາກ ຄະນະນໍາ ກະຊວງເຕັກໂນໂລຊີ ແລະ ການສື່ສານ ແລະ ກະຊວງສຶກສາທິການ ແລະ ກິລາ;
ກວດກາ, ປະເມີນເນື້ອຫາປຶ້ມຕໍາລາແບບຮຽນ-ແບບສອນ ແລະ ແຜນການຮຽນ-ການສອນ;
ພົວພັນກັບບັນດາພາກສ່ວນກ່ຽວຂ້ອງເພື່ອຖອດຖອນບົດຮຽນໃນການສ້າງ ແລະ ພັດທະນາຫຼັກສູດໄລຍະສັ້ນ-ຍາວ, ຫຼັກສູດການຮຽນທາງໄກ;
ຕິດຕາມ, ກວດກາ ແລະ ປະເມີນຜົນໃນການຈັດຕັ້ງ ການຮຽນ-ການສອນ ເຊັ່ນ: ເນື້ອຫາການສິດສອນຂອງຄູແຕ່ລະວິຊາ, ຈຳນວນໜ່ວຍກິດ, ການຈັດຊົ່ວໂມງສອນ ພາກທິດສະດີ ແລະ ພາກປະຕິບັດ, ຜົນການຮັບຮູ້ຂອງແຕ່ລະວິຊາຂອງນັກສຶກສາ;
ຄຸ້ມຄອງ, ວາງມາດຕະເກນ, ຕິດຕາມກວດກາ ແລະ ປະເມີນຜົນໃນການຈັດຕັ້ງປະຕິບັດຫຼັກສູດໄລຍະສັ້ນ-ຍາວ, ຫຼັກສູດການຮຽນທາງໄກ;
ປະເມີນຄວາມເພິ່ງພໍໃຈໃນການຮັບນັກສຶກສາເຂົ້້າເຮັດວຽກຂອງຜູ້ຈ້າງງານ;
ຂຶ້ນແຜນ ໃນການຈັດຕັ້ງປະຕິບັດ ວຽກປະກັນຄຸນນະພາບການສຶກສາ ເພື່ອໃຫ້ສອດຄ່ອງກັບມາດຕະຖານຄຸນນະພາບການສຶກສາຊັ້ນສູງ;
ຊີ້ນໍາ, ຕິດຕາມ, ກວດກາ, ຊຸກຍູ້ ແລະ ສົ່ງເສີມ ການຈັດຕັ້ງປະຕິບັດວຽກງານປະກັນຄຸນນະພາບການສຶກສາພາຍໃນ ໂດຍອີງຕາມມາດຕະຖານຄຸນນະພາບການສຶກສາຊັ້ນສູງ ແລະ ຈັດຕັ້ງປະຕິບັດການປະ ເມີນຄຸນນະພາບການສຶກສາ ພາຍໃນ ສຕສ;
ສັງລວມຂໍ້ມູນ, ເອກະສານ, ຫຼັກຖານອ້າງອີງຕ່າງໆ ກ່ຽວກັບ ການປະກັນຄຸນນະພາບ;
ຂຽນບົດລາຍງານປະເມີນຕົນເອງ ( ບົດລາຍງານປະເມີນສະຖາບັນ) ເພື່ອເປັນຂໍ້ມູນສົ່ງໃຫ້ ກະຊວງ ສຶກສາທິການ ແລະ ກິລາ ແລະ ພາກສ່ວນກ່ຽວຂ້ອງ;
ພົວພັນກັບກົມນິຕິກໍາ ແລະ ປະກັນຄຸນນະພາບການສຶກສາ, ກະຊວງ ສຶກສາທິການ ແລະ ກິລາ;
ຝຶກອົບຮົມ ແລະ ເຜີຍແຜ່ ໃນຫົວຂໍ້ຕ່າງໆ ທີ່ຕິດພັນກັບວຽກງານພັດທະນາຫຼັກສູດ ແລະ ວຽກປະກັນຄຸນນະພາບການສຶກສາ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການພັດທະນາຫຼັກສູດ ແລະ ປະກັນຄຸນນະພາບການສຶກສາ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆ ຕາມການມອບໝາຍ ຂອງຄະນະນໍາ ສຕສ.

ໜ້າທີ່ຂອງພະແນກ ຄຸ້ມຄອງ ແລະ ພັດທະນາ ໄອຊີທີ

ພະແນກ ຄຸ້ມຄອງ ແລະ ພັດທະນາ ໄອຊີທີ ມີໜ້າທີ່ ດັ່ງນີ້:

ຄຸ້ມຄອງ, ບໍາລຸງຮັກສາ ອຸປະກອນ ແລະ ລະບົບ ເຕັກໂນໂລຊີ ແລະ ການສື່ສານ ທີ່ ສຕສ ນຳໃຊ້;
ຂຶ້ນແຜນ ແລະ ພັດທະນາລະບົບ ຊອບແວ, ແອັບພິເຄຊັນ ຕ່າງໆ ເພື່ອຮັບໃຊ້ວຽກງານ ພາຍໃນ ສຕສ;
ຂຶ້ນແຜນ, ປັບປຸງ ແລະ ບຳລຸງຮັກສາລະບົບເຄືອຂ່າຍ ແລະ ອຸປະກອນ ເພື່ອຮັບໃຊ້ລະບົບເຄືອຂ່າຍ ພາຍໃນ ສຕສ;
ກຳນົດ ແລະ ຄຸ້ມຄອງ ມາດຕະຖານ, ກົດລະບຽບ ການນຳໃຊ້ລະບົບ ໄອຊີທີ ພາຍໃນ ສຕສ;
ຂຶ້ນແຜນປັບປຸງ ແລະ ຄົ້ນຄວ້າຊອກຫາເຄື່ອງທົດລອງ ແລະ ເຕັກໂນໂລຊີ ໄອຊີທີ ທີີ່ທັນສະໄໝ ເພື່ອສະເໜີປະກອບເຂົ້າໃນການສິດສອນ ໃນແຕ່ລະໄລຍະ;
ຄຸ້ມຄອງ ແລະ ບຳລຸງຮັກສາລະບົບຖານຂໍ້ມູນ ແລະ ລະບົບຄວາມປອດໄພເຄືອຂ່າຍ ຂອງ ສຕສ;
ຄຸ້ມຄອງ ແລະ ຂຶ້ນແຜນ ປັບປຸງຫ້ອງສະຕູດິໂອ, ຫ້ອງ Co-Working Space, ຫ້ອງທົດລອງດ້ານ ໄອຊີທີ ແລະ ຫ້ອງຕ່າງໆ ທີ່ນຳໃຊ້ ອຸປະກອນ ແລະ ລະບົບເຕັກໂນໂລຊີ ແລະ ການສື່ສານ ພາຍໃນ ສຕສ;
ໃຫ້ບໍລິການດ້ານວິຊາການເຕັກໂນໂລຊີ ແລະ ການສື່ສານ ໃນການສ້າງ ແລະ ພັດທະນາ ສື່ໂຄສະນາປະເພດຕ່າງໆ (ແຜ່ນພັບ, ສິ່ງພິມ, ຮູບພາບ, ສຽງ, ວິດິໂອ, ເວັບໄຊທ໌ ແລະ ອື່ນໆ) ເພື່ອຮັບໃຊ້ວຽກງານພາຍໃນ ຂອງ ສຕສ ໃນແຕ່ລະໄລຍະ;
ໃຫ້ບໍລິການດ້ານວິຊາການເຕັກໂນໂລຊີ ແລະ ການສື່ສານ ໃນການສ້າງ ແລະ ພັດທະນາ ລະບົບ ແລະ ແອັບພິເຄຊັນຕ່າງໆ ເພື່ອຮັບໃຊ້ ວຽກງານພາຍໃນ ຂອງ ສຕສ ໃນແຕ່ລະໄລຍະ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການພັດທະນາລະບົບ ເຕັກໂນໂລຊີ ແລະ ການສື່ສານ ພາຍໃນ ສຕສ;
ຄົ້ນຄິດນະວັດຕະກຳ ແລະ ໝູນໃຊ້ເຕັກໂນໂລຊີການສື່ສານຂໍ້ມູນຂ່າວສານ ເພື່ອຊຸກຍູ້ ການລິເລີ່ມທຸລະກິດສະຕາດອັບ ພາຍໃນ ສຕສ;
ເຜີຍແຜ່ ແລະ ວາງສະແດງຜົນງານຂອງວຽກພາຍໃນ ສຕສ ທີ່ຕິດພັນກັບວິຊາການໄອຊີທີ ໃນແຕ່ລະໄລຍະ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆ ຕາມການມອບໝາຍ ຂອງຄະນະນຳ ສຕສ.

ໜ້າທີ່ຂອງ ພະແນກຝຶກອົບຮົມ ໄອຊີທີ

ພະແນກ ຝຶກອົບຮົມ ໄອຊີທີ ມີໜ້າທີ່ ດັ່ງນີ້:

ຂຶ້ນແຜນ ແລະ ຈັດຕັ້ງປະຕິບັດການຝຶກອົບຮົມ ໄອຊີທີ ໃຫ້ແກ່ ພະນັກງານ ພາຍໃນ ສຕສ ແລະ ຂະ ແໜງການ ເຕັກໂນໂລຊີ ແລະ ການສື່ສານ;
ຂຶ້ນແຜນ ແລະ ຈັດສຳມະນາວິຊາການດ້ານ ເຕັກໂນໂລຊີ ແລະ ການສື່ສານ;
ປະສານ ແລະ ຈັດຕັ້ງປະຕິບັດ ການສອບເສັງວັດລະດັບ ເອົາໃບຢັ້ງຢືນວິຊາການ ຂອງສະຖາບັນກ່ຽວຂ້ອງ ທີ່ໄດ້ຮັບການອະນຸມັດ ຈາກ ຄະນະນຳກະຊວງເຕັກໂນໂລຊີ ແລະ ການສື່ສານ;
ຈັດການຝຶກອົບຮົມ ດ້ານໄອຊີທີ ຕາມຄວາມຮຽກຮ້ອງຕ້ອງການ ຂອງພາກສ່ວນກ່ຽວຂ້ອງ ພາຍໃນ ສຕສ ແລະ ຂະແໜງການ ເຕັກໂນໂລຊີ ແລະ ການສື່ສານ
ຕິດຕາມ ແລະ ສະຫຼຸບລາຍງານຜົນການຈັດຕັ້ງປະຕິບັດການຝຶກອົບຮົມ, ງານສຳມະນາ ແລະ ການສອບເສັງວັດລະດັບ;
ເກັບກຳສະຖິຕິການຝຶກ ແລະ ຂໍ້ມູນນັກຝຶກ ໃນບັນດາຫຼັກສູດທີ່ໄດ້ຈັດຕັ້ງປະຕິບັດ, ລວມເຖິງຂໍ້ມູນສະຖິຕິໃນການຈັດສຳມະນາ ແລະ ການສອບເສັງວັດລະດັບ;
ພິມໃບຢັ້ງຢືນການຝຶກອົບຮົມ ແລະ ໃບຄະແນນຂອງນັກຝຶກ ພ້ອມທັງແຈກຢາຍ ແລະ ສຳເນົາ;
ວາງແຜນ ແລະ ບໍລິຫານການນຳໃຊ້ອຸປະກອນ ແລະ ໂຄງລ່າງພື້ນຖານຂອງສູນຝຶກ ໃຫ້ມີປະສິດທິພາບ ແລະ ໄດ້ຮັບປະສິດທິຜົນສູງສຸດ;
ຄົ້ນຄວ້າ ແລະ ສະເໜີປັບປຸງຫຼັກສູດການຝຶກອົບຮົມ ໃຫ້ເໝາະສົມ ແລະ ແທດເໝາະກັບສະພາບການ ໃນແຕ່ລະໄລຍະ;
ຄົ້ນຄວ້າ ແລະ ປັບປຸງຄູ່ມືການຝຶກອົບຮົມ ໃຫ້ເໝາະສົມ ແລະ ແທດເໝາະກັບສະພາບການ ໃນແຕ່ລະໄລຍະ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບ ການຝຶກອົບຮົມໄອຊີທີ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆຕາມການມອບໝາຍ ຂອງຄະນະນຳ ສຕສ.

ໜ້າທີ່ຂອງ ພາກວິຊາ ເຕັກໂນໂລຊີການສື່ສານ ແລະ ຂໍ້ມູນຂ່າວສານ

ພາກວິຊາ ເຕັກໂນໂລຊີການສື່ສານ ແລະ ຂໍ້ມູນຂ່າວສານ ມີໜ້າທີ່ ດັ່ງນີ້:

ຂຶ້ນແຜນຈັດຕັ້ງ ການຮຽນ-ການສອນ ຕາມຫຼັກສູດການສຶກສາ ໃນແຕ່ລະລະດັບ;
ສ້າງຕາຕະລາງ ແລະ ເຮັດປຶ້ມຕິດຕາມ ການຮຽນ-ການສອນ ໃນແຕ່ລະຊັ້ນຮຽນ;
ຂຶ້ນແຜນບໍາລຸງ ແລະ ຍົກລະດັບ ຄູ-ອາຈານ ທາງດ້ານເຕັກນິກການສອນ ແລະ ວິຊາສະເພາະ ໃຫ້ແທດເໝາະກັບສະພາບການໃນແຕ່ລະໄລຍະ;
ຕິດຕາມ ແລະ ປະເມີນ ການສິດສອນ ຂອງ ຄູ-ອາຈານ ສົມທົບກັບຜົນຄະແນນການສອບເສັງຂອງນັກສຶກສາ ໃນແຕ່ລະພາກຮຽນ ເພື່ອສະຫຼຸບຖອດຖອນບົດຮຽນ ແລະ ສະເໜີວິທີການແກ້ໄຂປັບປຸງ;
ສະຫຼຸບ ສັງລວມຊົ່ວໂມງສອນ ຂອງຄູ-ອາຈານ ແຕ່ລະເດືອນ;
ຄົ້ນຄວ້າ ແລະ ສະເໜີ ຄູ-ອາຈານ ເພື່ອມາສິດສອນ ໃນແຕ່ລະວິຊາ ຈາກທັງພາຍໃນ ແລະ ພາຍນອກ;
ສະເໜີ ຂຶ້ນແຜນອຸປະກອນຮັບໃຊ້ ການຮຽນ-ການສອນ ໃນແຕ່ລະເດືອນ ພ້ອມທັງກວດກາຈໍານວນອຸປະກອນທີ່ເປ່ເພ ແລະ ໃຊ້ການບໍ່ໄດ້ ເພື່ອສະເໜີຂໍການສ້ອມແປງ;
ຂຶ້ນແຜນ, ປະສານງານ, ຕິດຕາມ ແລະ ສະຫຼຸບລາຍງານຜົນ ການຄົ້ນຄວ້າວິຊາການຂອງ ຄູ-ອາຈານ ແລະ ເຜີຍແຜ່ຜົນງານການຄົ້ນຄວ້າ ໃຫ້ສັງຄົມ;
ຂຶ້ນແຜນ, ປະສານງານ, ຕິດຕາມ ແລະ ສະຫຼຸບລາຍງານຜົນໃນການຈັດນັກສຶກສາລົງຝຶກງານ;
ຂຶ້ນແຜນ, ປະສານງານ, ຕິດຕາມ ແລະ ສະຫຼຸບລາຍງານຜົນການຂຽນ ບົດລາຍງານຈົບຊັ້ນ/ບົດວິທະຍານິພົນ ແລະ ປ້ອງກັນບົດ;
ປະສານສົມທົບກັບພາກວິຊາອື່ນໆ ໃນການຂຶ້ນແຜນ ແລະ ຈດກອງປະຊຸມ ສະພາວິຊາການ ພາຍໃນ ສຕສ ແຕ່ລະໄລຍະ;
ຂຶ້ນແຜນ ແລະ ຈັດກອງປະຊຸມຖອດຖອນບົດຮຽນທາງດ້ານການຈັດຕັ້ງການຮຽນການສອນ ຮ່ວມກັບ ບັນດາສະຖາບັນການສຶກສາອື່ນ ທີ່ກ່ຽວຂ້ອງ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການຍົກລະດັບວິຊາສະເພາະໃຫ້ຄູ ແລະ ການພັດທະນາການຮຽນການສອນ ພາຍໃນ ສຕສ;
ຈັດການສອບເສັງ, ບັນທຶກຄະແນນເພື່ອຕິດຕາມເກຣດ, ຄຸ້ມຄອງເກຣດ ແລະ ຄຸ້ມຄອງຄະແນນສອບເສັງ ຂອງນັກສຶກສາທຸກພາກຮຽນ ແລະ ສະຫຼຸບຄະແນນສະເລ່ຍຂອງນັກສຶກສາ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈໍາອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆຕາມການມອບໝາຍ ຂອງຄະນະນຳ ສຕສ.

ໜ້າທີ່ຂອງ ພາກວິຊາ ບໍລິຫານ ແລະ ເຕັກໂນໂລຊີລະດັບສູງ

ພາກວິຊາ ບໍລິຫານ ແລະ ເຕັກໂນໂລຊີລະດັບສູງ ມີໜ້າທີ່ ດັ່ງນີ້:

ຂຶ້ນແຜນຈັດຕັ້ງ ການຮຽນ-ການສອນ ຕາມຫຼັກສູດການສຶກສາ ໃນແຕ່ລະລະດັບ;
ສ້າງຕາຕະລາງ ແລະ ເຮັດປຶ້ມຕິດຕາມ ການຮຽນ-ການສອນ ໃນແຕ່ລະຊັ້ນຮຽນ;
ຂຶ້ນແຜນບຳລຸງ ແລະ ຍົກລະດັບ ຄູ-ອາຈານ ທາງດ້ານເຕັກນິກການສອນ ແລະ ວິຊາສະເພາະ ໃຫ້ແທດເໝາະກັບສະພາບການໃນແຕ່ລະໄລຍະ;
ຕິດຕາມ ແລະ ປະເມີນ ການສິດສອນ ຂອງ ຄູ-ອາຈານ ສົມທົບກັບຜົນຄະແນນການສອບເສັງຂອງນັກສຶກສາ ໃນແຕ່ລະພາກຮຽນ ເພື່ອສະຫຼຸບຖອດຖອນບົດຮຽນ ແລະ ສະເໜີວິທີການແກ້ໄຂປັບປຸງ;
ສະຫຼຸບ ສັງລວມຊົ່ວໂມງສອນ ຂອງຄູ-ອາຈານ ແຕ່ລະເດືອນ;
ຄົ້ນຄວ້າ ແລະ ສະເໜີ ຄູ-ອາຈານ ເພື່ອມາສິດສອນ ໃນແຕ່ລະວິຊາ ຈາກທັງພາຍໃນ ແລະ ພາຍນອກ;
ສະເໜີ ຂຶ້ນແຜນອຸປະກອນຮັບໃຊ້ ການຮຽນ-ການສອນ ໃນແຕ່ລະເດືອນ ພ້ອມທັງກວດກາຈຳນວນອຸປະກອນທີ່ເປ່ເພ່ ແລະ ໃຊ້ການບໍ່ໄດ້ ເພື່ອສະເໜີຂໍການສ້ອມແປງ;
ຂຶ້ນແຜນ, ປະສານງານ, ຕິດຕາມ ແລະ ສະຫຼຸບລາຍງານຜົນ ການຄົ້ນຄວ້າວິຊາການຂອງ ຄູ-ອາຈານ ແລະ ເຜີຍແຜ່ງານການຄົ້ນຄວ້າ ໃຫ້ສັງຄົມ;
ຂຶ້ນແຜນ, ປະສານງານ, ຕິດຕາມ ແລະ ສະຫຼຸບລາຍງານຜົນໃນການຈັດນັກສຶກສາລົງຝຶກງານ;
ຂຶ້ນ, ປະສານງານ, ຕິດຕາມ ແລະ ສະຫຼຸບລາຍງານຜົນການຂຽນ ບົດລາຍງານຈົບຊັ້ນ/ບົດວິທະຍານິພົນ ແລະ ປ້ອງກັນບົດ;
ປະສານສົມທົບກັບພາກວິຊາອື່ນໆ ໃນການຂຶ້ນແຜນ ແລະ ຈັດກອງປະຊຸມ ສະພາວິຊາການ ພາຍໃນ ສຕສ ແຕ່ລະໄລຍະ;
ຂຶ້ນແຜນ ແລະ ຈັດກອງປະຊຸມຖອດຖອນບົດຮຽນທາງດ້ານການຈັດຕັ້ງການຮຽນການສອນ ຮ່ວມກັບສະຖາບັນການສຶກສາອື່ນ ທີ່ກ່ຽວຂ້ອງ;
ຂຽນບົດສະເໜີໂຄງການ ເພື່ອຍາດແຍ່ງທຶນຊ່ວຍເຫຼືອໃນວຽກງານທີ່ຕິດພັນກັບການຍົກລະດັບວິຊາສະເພາະໃຫ້ຄູ ແລະ ການພັດທະນາການຮຽນການສອນ ພາຍໃນ ສຕສ;
ຈັດການສອບເສັງ, ບັນທຶກຄະແນນເພື່ອຕິດຕາມເກຮດ, ຄຸ້ມຄອງເກຮດ ແລະ ຄຸ້ມຄອງຄະແນນສອບເສັງຂອງນັກສຶກສາທຸກພາກຮຽນ ແລະ ສະຫຼຸບຄະແນນສະເລ່ຍຂອງນັກສຶກສາ;
ຂຶ້ນຫ້ອງສິດສອນ ຕາມວິຊາສະເພາະ ໃນແຕ່ລະພາກຮຽນ;
ສະຫຼຸບ ການຈັດຕັ້ງປະຕິບັດວຽກງານຂອງພະແນກ ປະຈຳອາທິດ, ເດືອນ, ງວດ ແລະ ປີ ລາຍງານຂັ້ນເທິງ ເປັນປົກກະຕິ;
ປະຕິບັດວຽກງານອື່ນໆຕາມການມອບໝາຍ ຂອງຄະນະນຳ ສຕສ.