ຄະນະ ສຶກສາສາດ: Difference between revisions
(ໜ້າໃໝ່: thumb ຄຳຂວັນ ຄະນະ ສຶກສາສາດ: "ຄູສາ້ງຄົນ ຄົນສ້າງຊາດ ສຶກສາສາດສ້າງຄູ" ຄະນະສຶກສາສາດ (ຂຽນຫຍໍ້ ຄສສ) ເປັນຄະນະວິຊາໜຶ່ງຂອງມະຫາວິທະຍາໄລແຫ່ງຊາດ, ສ້າງຕັ້ງຂຶ້ນໂດຍ...) |
ລ (Protected "ຄະນະ ສຶກສາສາດ"([ດັດແກ້=ສະເພາະຜູ້ໃຊ້ທີ່ລົງທະບຽນ] (ບໍ່ມີກຳນົດ)[ຍ້າຍ=ສະເພາະຜູ້ໃຊ້ທີ່ລົງທະບຽນ] (ບໍ່ມີກຳນົດ))) |
(ບໍ່ມີຄວາມແຕກຕ່າງ)
|
Latest revision as of 03:47, 4 ກຸມພາ 2024
ຄຳຂວັນ ຄະນະ ສຶກສາສາດ: "ຄູສາ້ງຄົນ ຄົນສ້າງຊາດ ສຶກສາສາດສ້າງຄູ"
ຄະນະສຶກສາສາດ (ຂຽນຫຍໍ້ ຄສສ) ເປັນຄະນະວິຊາໜຶ່ງຂອງມະຫາວິທະຍາໄລແຫ່ງຊາດ, ສ້າງຕັ້ງຂຶ້ນໂດຍມາດຕາ 7 ຂອງດໍາລັດນາຍົກລັດຖະມົນຕີວ່າດ້ວຍມະຫາວິທະຍາໄລແຫ່ງຊາດ ສະບັບເລກທີ 50/ນຍ, ເດືອນ 11/1995. ຄະນະສຶກສາສາດໄດ້ກໍ່ຮ່າງສ້າງຕົວຂຶ້ນຈາກບຸກຄະລາກອນ ແລະ ວັດຖຸອຸປະກອນ ຈຳນວນໜຶ່ງຂອງພະແນກຈິດຕະສາດ - ສຶກສາສາດ ມະຫາວິທະຍາໄລສ້າງຄູວຽງຈັນ.
ພາລະບົດບາດ ແລະ ໜ້າທີ່
ການຈັດການຮຽນ-ການສອນ ແລະ ສຶກສາອົບຮົມ
- ຈັດຕັ້ງສຶກສາອົບຮົມ ດ້ານການເມືອງ-ແນວຄິດ, ດ້ານຄຸນສົມບັດ ແລະ ລະບຽບກົດໝາຍ ໃຫ້ພະນັກງານ, ຄູ ແລະ ນັກສຶກສາພາຍໃນຄະນະສຶກສາສາດໃຫ້ເປັນພົນລະເມືອງດີຂອງຊາດ ແລະ ມີຈັນຍາບັນໃນວິຊາຊີບຄູ.
- ຈັດຕັ້ງການຮຽນ-ການສອນໃນລະດັບ ການສຶກສາກ່ອນໄວຮຽນ ເຖິງ ມັດທະຍົມສຶກສາ.
- ຈັດຕັ້ງການຮຽນ-ການສອນຫຼັັກສູດຄູລະດັບປະລິນຍາຕີ, ປະລິນຍາໂທ ແລະ ປະລິນຍາເອກ.
ການຄົ້ນຄວ້າວິທະຍາສາດ
- ຈັດຕັ້ງ ແລະ ດໍາເນີນການຄົ້ນຄວ້າວິທະຍາສາດ ແລະ ພັດທະນາເຕັກໂນໂລຊີທາງການສຶກສາ.
- ເຜີຍແຜ່ ແລະ ນໍາໃຊ້ຜົນສໍາເລັດຂອງການຄົ້ນຄວ້າວິທະຍາສາດທີ່ມີປະໂຫຍດເຂົ້າໃນການປັບປຸງຄຸນນະພາບການຮຽນ-ການສອນ ແລະ ການພັດທະນາເສດຖະກິດ-ສັງຄົມຂອງຊາດ.
ການບໍລິການວິຊາການໃຫ້ສັງຄົມ
- ພັດທະນາຫຼັກສູດເຝິກອົບຮົມໃນສາຂາຕ່າງໆກ່ຽວກັບການສຶກສາ.
- ຈັດຕັ້ງເຝິກອົບຮົມວິຊາຄູ.
- ເປັນນັກວິຊາການ ແລະ ທີ່ປຶກສາທາງວິຊາການໃນຂະແໜງການທີ່ກ່ຽວຂ້ອງ.
ປົກປັກຮັກສາ ແລະ ເສີມຂະຫຍາຍສິລະປະ - ວັດທະນະທໍາ ແລະ ຮີດຄອງປະເພນີອັນດີງາມ ແລະ ກ້າວໜ້າຂອງໂລກ
- ຈັດກິດຈະກໍາຕ່າງໆເພື່ອເຜີຍແຜ່ສິລະປະວັດທະນະທໍາ, ຮີດຄອງປະເພນີອັນດີງາມຂອງຊາດ ແລະ ຂອງປະຊາຊົນບັນດາເຜົ່າ.
- ຊຸກຍູ້ ແລະ ສົ່ງເສີມໃຫ້ນັກຮຽນ-ນັກສຶກສາ ແລະ ພະນັກງານຄູຂອງຄະນະສຶກສາສາດໃຫ້ມີສ່ວນຮ່ວມຢ່າງຕັ້ງໜ້າໃນການອະນຸຮັກ, ສົ່ງເສີມສິລະປະວັດທະນະທໍາ ແລະ ຮີດຄອງປະເພນີອັນດີງາມຂອງຊາດ ແລະ ຂອງປະຊາຊົນບັນດາເຜົ່າ.
- ຮັບເອົາ ແລະ ສົ່ງເສີມວັດທະນະທໍາອັນດີງາມ ແລະ ກ້າວໜ້າຂອງໂລກຢ່າງມີການເລືອກເຟັ້ນ.
ພາກວິຊາ
ຄະນະສຶກສາສາດປະກອບມີ 6 ພາກວິຊາ ແລະ 3 ໂຮງຮຽນທີ່ຂຶ້ນກັບ
- ພາກວິຊາຄູຈິດຕະວິທະຍາການສຶກສາ
- ພາກວິຊາການບໍລິຫານການສຶກສາ
- ພາກວິຊາຄູວິທະຍາສາດທຳມະຊາດ
- ພາກວິຊາຄູວິທະຍາສາດສັງຄົມ
- ພາກວິຊາຄູພາສາຕ່າງປະເທດ
- ພາກວິຊາຄູພາສາລາວ-ວັນນະຄະດີ
ໂຮງຮຽນທີ່ຂຶ້ນກັບ
- ມັດທະຍົມສຶກສາສົມບູນສາທິດ
- ປະຖົມສຶກສາສົມບູນສາທິດ
- ເຮືອນລ້ຽງດັກ ແລະ ໂຮງຮຽນອະນຸບານສາທິດ
https://dev.nuol.edu.la/index.php/2022-05-05-02-58-47/2022-05-09-07-11-25/2022-05-09-07-26-26