ແຂວງເຊກອງ

ເຊກອງ (ອັງກິດ: Xekong) ເປັນແຂວງຫນຶ່ງທີ່ຢູ່ທາງພາກໃຕ້ ຂອງສປປ ລາວ ທີ່ມີຊາຍແດນ ຕິດກັບແຂວງສາລະວັນ ທາງທິດເໜືອ, ຕິດກັບແຂວງຈຳປາສັກ ທາງທິດຕາເວັນຕົກ, ຕິດກັບແຂວງອັດຕະປື ທາງທິດໃຕ້ ແລະ ຕິດກັບສາທາລະນະລັດ ສັງຄົມນິຍົມ ຫວຽດນາມ ທາງທິດຕາເວັນອອກ, ມີຈຳນວນປະຊາກອນອາໄສຢູ່ ເບົາບາງທີ່ສຸດ.

ທີ່ຕັ້ງ ແລະ ພູມສັນຖານ

ແຂວງເຊກອງ ມີເນື້ອທີ່ທັງໝົດ 7.750 ຕາຕະລາງກິໂລແມັດ ກອມເອົາ 3,27% ຂອງເນື້ອທີ່ ທົ່ວປະເທດ, ຊຶ່ງຕັ້ງຢູ່ພາກຕາເວັນອອກສຽງໃຕ້ ຂອງປະເທດລາວ.

    ມີຊາຍແດນຕິດຈອດ
    * ທິດເໜືອຕິດກັບ ແຂວງສາລະວັນ ຍາວ 166 ກິໂລແມັດ
    * ທິດໃຕ້ຕິດກັບ ແຂວງອັດຕະປື ຍາວ 155 ກິໂລແມດ
    * ທິດຕາເວັນອອກຕິດກັບ ແຂວງເທືອທຽນເຫວ້, ກວາງນາມ ແລະ ແຂວງກອນຕູມ ສສ ຫວຽດນາມ, ມີຄວາມຍາວ 280 ກິໂລແມັດ 
    * ທິດຕາເວັນຕົກຕິດກັບ ແຂວງຈຳປາສັກ ຍາວ 59 ກິໂລແມັດ

ບັນດາເມືອງ

1. ເມືອງລະມາມ(15-01)
2. ເມືອງທ່າແຕງ(15-04)
3. ເມືອງກະລຶມ(15-02)
4. ເມືອງດັກຈຶງ(15-03)

ສະຖິຕິບັນດາແຫຼ່ງທ່ອງທ່ຽວ ແລະ ສະຖານທີ່ທ່ອງທ່ຽວ

ໃນທົ່ວແຂວງເຊກອງມີແຫຼ່ງທ່ອງທ່ຽວ ທີ່ໄດ້ສຳຫຼວດ ແລະ ຂຶ້ນບັນຊີ ມີທັງໝົດ 38 ແຫ່ງ, ໃນນັ້ນ. ແຫຼ່ງທ່ອງທ່ຽວທຳມະຊາດ 20 ແຫ່ງ, ແຫຼ່ງທ່ອງທ່ຽວປະຫວັດສາດ 9 ແຫ່ງ, ແຫຼ່ງທ່ອງທ່ຽວວັດທະນາທຳ 6 ແຫ່ງ ແລະ ແຫຼ່ງທ່ອງທ່ຽວກະສິກຳ 3 ແຫ່ງ.

  * ນ້ຳຕົກຕາດເຊກະຕາມ
  * ນ້ຳຕົກຕາດໝອກຈັນ
  * ຫມູ່ບ້ານເຜົ່າອາລັກ
  * ຫມູ່ບ້ານເຜົ່າຍະເຫີນ
  * ພູຫລວງ
  * ນ້ຳຕົກຕາດແຝກ
  * ສູນສິລະປະຊີບແມ່ເຮືອນ