Lao ICT Award

ຄວາມເປັນມາຂອງການປະກວດ

ໂຄງການ ຈັດປະກວດ Lao ICT Award ເປັນໂຄງການ ຂອງ ກະຊວງ ປທສ (ກະຊວງ ຕສ ໃນປະຈຸບັນ), ຊຶ່ງເລີ່ມຈັດຂຶ້ນມາຕັ້ງແຕ່ປີ 2017 ເພື່ອສະໜັບສະໜູນ ນັກຮຽນ-ນັກສຶກສາ, ນັກຄົ້ນຄວ້າ ແລະ ບໍລິສັດຕ່າງໆ ໄດ້ມີໂອກາດສະແດງສັກກະຍະພາບ ແລະ ຄວາມສາມາດ ຂອງຕົນ ທາງດ້ານໄອຊີທີ. ພ້ອມນັ້ນ, ກໍຍັງເປັນການສ້າງແຮງບັນດານໃຈໃນການສົ່ງຜົນງານເຂົ້າຮ່ວມໃນເວທີພາກພື້ນອາຊຽນ ກໍຄື ໂຄງການ ASEAN ICT Awards

ເງື່ອນໄຂ ຜູ້ສະໝັກ

ເງື່ອນໄຂຜູ້ສະໝັກເຂົ້າແຂ່ງຂັນແມ່ນຄ້າຍຄື Asean ICT Awards. ໃນແຕ່ລະປີເງື່ອນໄຂຈະບໍ່ຄືກັນແຕ່ໂດຍລວມຈະມີດັ່ງລຸ່ມນີ້:

• ນັກຮຽນ, ນັກສຶກສາ ຫຼື ນັກຄົ້ນຄວ້າ ທີ່ຂຶ້ນກັບຂະແໜງການສຶກສາໃດໜຶ່ງ.
• ເປັນບຸກຄົນ, ນິຕິບຸກຄົນ ທີ່ເຄື່ອນໄຫວຖືກຕ້ອງຕາມລະບຽບກົດໝາຍ ຂອງ ສປປ ລາວ.
• ເປັນນິຕິບຸກຄົນ ທີ່ຮ່ວມທຶນກັບຕ່າງປະເທດ, ແຕ່ຄົນລາວຈະຕ້ອງຖືຮຸ້ນ ຢ່າງໜ້ອຍ 51% ຂອງຈຳນວນຮຸ້ນທັງໝົດ.

ເງື່ອນໄຂ ຂອງຜະລິດຕະພັນ

• ຜູ້ສະເໜີເຂົ້າແຂ່ງຂັນຕ້ອງເປັນເຈົ້າ ຂອງຜົນງານ/ຜະລິດຕະພັນ ຖືກຕ້ອງ ສອດຄ່ອງ ຕາມກົດໝາຍຊັບສິນ ທາງປັນຍາ;
• ການພັດທະນາຕ້ອງເຮັດຂຶ້ນໃນ ສປປ.ລາວ ຢ່າງໜ້ອຍ 51% ລວມມີ: ການຄົ້ນຄວ້າ, ການພັດທະນາ ແລະ ການອອກແບບ.
• ໜື່ງຜະລິດຕະພັນສາມາດສົ່ງເຂົ້າແຂ່ງໄດ້ໜວດດຽວເທົ່ານັ້ນ.

ໝວດຜະລິດຕະພັນ

ການປະກວດໄດ້ແບ່ງອອກເປັນ 6 ໝວດ, ບາງປີມີໝວດນັກສຶກສາອີກ 1 ໝວດ ເປັນ 7ໝວດ

1. ກ່ຽວກັບພາກລັດ (The Public Sector : PUB)
2. ກ່ຽວກັບພາກເອກະຊົນ (The Private Sector : PRV)
3. ເພື່ອສັງຄົມ (Corporate Social Responsibility : CSR)
4. ເນື້ອໃນດິຈິຕອນ (Digital Content : DLC)
5. ບໍລິສັດສ້າງຕັ້ງໃໝ່ ດ້ານໄອຊີທີ (Start-Up Company : STC)
6. ຄົ້ນຄ້ວາ ແລະ ການພັດທະນາ ດ້ານໄອຊີທີ (Research and Development:RND)
7. (ໝວດພິເສດ) ຜົນງານນັກສຶກສາ

ຮູບແບບການຕັດສິນ

ຈະແບ່ງອອກເປັນ 02 ຮອບຄື:

1. ຄັດເລືອກເບື້ອງຕົ້ນ (ອອນລາຍ): ຄັກຈາກຟອມສະໝັກ ແລະ ບົດນຳສະເໜີ
2. ຕັດສິນຮອບຊິງຊະນະເລີດ: ຕັດສິນຜູ້ຊະນະຈາກການນຳສະເໜີ ແລະ ຕອບຄຳຖາມ

ການປະກວດແຕ່ລະປີ

ປີ 2017

ໃນປີ 2017 ການປະກວດຮອບສຸດທ້າຍແມ່ນຈັດຂື້ນທີ່ສະໜາມກິລາບູໂດ ໂດຍມີທີມຜ່ານເຂົ້າຮອບສຸດທ້າຍ 12ທີມ
ທີມທີ່ໄດ້ລາງວັນ

1. ແອັບລາວໂອທິສຊຶມທັອກ Lao Autism ລາງວັນເງີນສົດ 8 000 000 ກີບ
2. ໂຕະລາວ ລາງວັນເງີນສົດ 5 000 000 ກີບ
3. Bizgital ລາງວັນເງີນສົດ 3 000 000 ກີບ

ປີ 2018

ໃນປີ 2018 ການປະກວດຮອບສຸດທ້າຍແມ່ນຈັດຂື້ນທີ່ຫໍວັດທະນະທຳແຫ່ງຊາດ ໂດຍມີທີມຜ່ານເຂົ້າຮອບສຸດທ້າຍ 09ທີມ
ທີມທີ່ໄດ້ລາງວັນ

1. BCEL OneHeart ລາງວັນເງີນສົດ 8 000 000 ກີບ
2. jobjibjib ລາງວັນເງີນສົດ 5 000 000 ກີບ
3. Typr ລາງວັນເງີນສົດ 3 000 000 ກີບ

ປີ 2019

ໃນປີ 2019 ການປະກວດຮອບສຸດທ້າຍແມ່ນຈັດຂື້ນທີ່ໂຮງແຮມ ດອນຈັນ ພາເລດ ປີນີ້ແບ່ງອອກເປັນ 2 ໝວດໃຫຍ່ ຄືໝວດທົ່ວໄປ ແລະ ໝວດນັກສຶກສາ ທີມຜ່ານເຂົ້າຮອບສຸດທ້າຍໝວດທົ່ວໄປມີ 10ທີມ ແລະ ໝວດນັກສຶກສາ 05ທີມ
ທີມທີ່ໄດ້ລາງວັນໝວດທົ່ວໄປ

1. Goteddy ລາງວັນເງີນສົດ 14 000 000 ກີບ
2. ລະບົບການຊຳລະຄາທຳນຽມທາງແບບທັນສະໃໝ (Road Tax) ລາງວັນເງີນສົດ 7 000 000 ກີບ
3. Shopping-D Lao Online Supermarket ລາງວັນເງີນສົດ 5 000 000 ກີບ
4. ແອບກົດໝາຍລາວ (laolaw) ລາງວັນເງີນສົດ 3 000 000 ກີບ
5. ລະບົບຖານຂໍ້ມູນຄວາມຮູ້ທາງດ້ານຊີວະນາໆພັນກະສິກຳລາວ"ພາເຂົ້າລາວ" ລາງວັນເງີນສົດ 2 000 000 ກີບ

ທີມທີ່ໄດ້ລາງວັນໝວດນັກສຶກສາ

1. ລາງວັນຊະນະເລີດ Lao Emergency Rescue Mobile Application ລາງວັນເງີນສົດ 5 000 000 ກີບ
2. ລາງວັນຮອງອັນດັບ1 ShareWay ລາງວັນເງີນສົດ 2 000 000 ກີບ
3. ລາງວັນຮອງອັນດັບ2 CarCare Delivery ລາງວັນເງີນສົດ 1 000 000 ກີບ