ພະແນກສົ່ງເສີມ ແລະ ພັດທະນາໄປສະນີ

ທີ່ຕັ້ງ ແລະ ພາລະບົດບາດ

ພະແນກສົ່ງເສີມ ແລະ ພັດທະນາໄປສະນີ ຕົວອັກສອນຫຍໍ້ (ພສພ) ເປັນພາສາສາກົນ Division of Postal Promotion and Development (DPD) ແມ່ນພະແນກໜຶ່ງຢູ່ໃນໂຄງປະກອບການຈັດຕັ້ງຂອງກົມໄປສະນີ, ມີພາລະບົດບາດເປັນເສນາທິການໃຫ້ແກ່ກົມສົ່ງເສີມ ແລະ ພັດທະນາວຽກງານຂະແໜງການໄປສະນີໄປ.

ໜ້າທີ່

1. ພົວພັນຮ່ວມມືກັບອົງການສະຫະພາບໄປສະນີສາກົນ, ສະຫະພາບໄປສະນີອາຊີ-ປາຊີຟິກ, ໄປສະນີອາຊຽນ ແລະ ອົງການໄປສະນີບັນດາປະເທດໃນການພັດທະນາ ແລະ ສົ່ງເສີມວຽກງານໄປສະນີ;
2. ເປັນໃຈກາງໃນການປະສານງານລະຫວ່າງຜູ້ປະກອບການໄປສະນີລາວ ແລະ ຜູ້ປະກອບການໄປສະນີຕ່າງປະເທດ ໃນການຮ່ວມມື ແລະ ພັດທະນາຂະແໜງການໄປສະນີ;
3. ຊຸກຍູ້ການຈັດຕັ້ງປະຕິບັດພັນທະດ້ານໄປສະນີກັບສາກົນ ຂອງ ສປປ ລາວ;
4. ຊຸກຍູ້ຜູ້ປະກອບການໃນການຈັດຕັ້ງປະຕິບັດພັນທະດ້ານໄປສະນີແບບທົ່ວເຖິງ;
5. ຄົ້ນຄວ້າ ແລະ ສົ່ງເສີມການລົງທຶນໃນຂະແໜງການໄປສະນີ;
6. ຂຸດຄົ້ນ ແລະ ພັດທະນາ ແລະ ຂະຫຍາຍຕະຫຼາດທີ່ຍັງບໍ່ທັນມີບໍລິການ ຢູ່ ພາຍໃນ ສປປ ລາວ;
7. ຄົ້ນຄວ້າ ແລະ ພັດທະນານະໂຍບາຍສົ່ງເສີມການລົງທຶນຂະຫຍາຍພື້ນຖານໂຄງລ່າງໄປສະນີໄປສູ່ເຂດຊົນນະບົດຫ່າງໄກສອກຫຼີກ;
8. ຊຸກຍູ້, ສົ່ງເສີມອົງການຄຸ້ມຄອງຂອງລັດ, ພາກທຸລະກິດ. ການຄ້າ ແລະ ປະຊາຊົນ ນໍາໃຊ້ຕາໜ່າງໄປສະນີຢ່າງກວ້າງຂວາງ;
9. ຝຶກອົບຮົມວຽກງານຄຸ້ມຄອງ, ວຽກງານເຕັກນິກວິຊາການໃຫ້ບັນດາອົງການຄຸ້ມຄອງ ແລະ ຜູ້ປະກອບການໄປສະນີ;