ເບິ່ງຊອຣ໌ສສຳລັບ ອົງການກາແດງແຫ່ງຊາດລາວ

{{ອົງການຈັດຕັ້ງ|ຮູບ=ກາໝາຍ ອົງການກາແດງແຫ່ງຊາດລາວ.jpg|ຊື່ຫຍໍ້ ພາສາລາວ=ກດລ|ຊື່ອົງການ ພາສາອັງກິດ=Croix-Rouge Lao|ເວັບໄຊ=https://www.laoredcross.org.la/|ສຳນັກງານໃຫຍ່=ຖະໜົນເສດຖາທິຣາດ, ຮ່ອມ 1, ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ}}

ອົງການກາແດງແຫ່ງຊາດລາວ ແມ່ນ ການຈັດຕັ້ວທາງສັງຄົມຂອງ ສປປ ລາວ ທີ່ເຄື່ອນໄຫວວຽກງານມະນູດສະທຳ ຢ່າງເປັນເອກະລາດຢູ່ພາຍໄຕ້ລັດຖະທຳມະນູນ

== ປະຫວັດ ==
ສະພາກາຊາດລາວ, ຖືກສ້າງຕັ້ງຂຶ້ນໃນວັນທີ 01 ມັງກອນ 1955 ທີ່ນະຄອນຫຼວງວຽງຈັນ, ໂດຍຄະນະກຳມະການຊຸດໜຶ່ງ, ລວມມີ 73 ທ່ານ; ຍິງ 02 ທ່ານ ທີ່ມາຈາກກຸ່ມວິຊາຊີບຕ່າງໆເຊັ່ນ: ຄາລາຊະການຈາກກະຊວງຕ່າງໆ; ແພດໝໍ; ນັກກົດໝາຍ; ນັກສັງຄົມສົງເຄາະ ແລະ ອາຊີບອື່ນໆ. ຄະນະກຳມະການຊຸດນີ້ໄດ້ພິຈາລະນາຕົກລົງຮັບຮອງເອົາ 02 ບັນຫາສຳຄັນຄື:

1. ກົດລະບຽບສະພາກາຊາດລາວປະກອບມີ 10 ພາກ; 36 ມາດຕາ

2. ເລືອກຕັ້ງຄະນະກຳມະການສະພາກາຊາດລາວຊຸດທຳອິດປະກອບມີ: 07 ທ່ານ; ກອງປະຊຸມໄດ້ເລືອກເອົາທ່ານ ດຣ. ອຸດົມ ສຸວັນນະວົງ ເປັນປະທານ ແລະ ທ່ານ ດຣ. ກູ່ແກ້ວ ໄຊໂກສີ ເປັນເລຂາທິການ. ມີສຳນັກງານໃຫຍຕັ້ງຢູ່ບ້ານຊຽງຍືນ; ເມືອງຈັນທະບູລີ; ນະຄອນຫຼວງວຽງຈັນ,

ສະພາກາຊາດລາວ ຖືກຮັບຮອງຈາກຄະນະກຳມະການກາແດງສາກົນ ( ICRC ) ໃນວັນທີ 23 ພຶດສະພາ 1957; ໄດ້ເຂົ້າເປັນສະມາຊິກຂອງສະຫະພັນກາແດງ ແລະ ຊີກວົງເດືອນແດງສາກົນ (IFRC) ໃນວັນທີ 25 ຕຸລາ 1957 ໂດຍກອງປະຊຸມໃຫຍ່ຄັ້ງທີ 24 ທີ່ກຸງນິວເດັນລີປະເທດອິນເດຍ (ເວລານັ້ນກາແດງທົ່ວໂລກມີ 80 ປະເທດ)

ນັບແຕ່ມື້ສ້າງຕັ້ງມາຮອດປະຈຸບັນອົງການກາແດງລາວ ໄດ້ຜ່ານຂະບວນວິວັດການເຕີບໃຫຍ່ຂະຫຍາຍຕົວ (01/01/ 1955 – ປະຈຸບັນ ) ເປັນ 02 ໄລຍະຄື:

'''ໄລຍະທີ I ( ປີ 1955 -1975)'''

ເອີ້ນວ່າ: ສະພາກາຊາດລາວ ເຄື່ອນໄຫວຕາມກົດລະບຽບຂອງສະພາກາຊາດລາວມີໜ້າທີ່ຕົ້ນຕໍດັ່ງນີ້:

- ປະຕິບັດພັນທະ ແລະ ໜ້າທີ່ຕາມສົນທິສັນຍາສາກົນທີ່ລາວເປັນພາຄີ;

- ຂົນຂວາຍຍາດແຍ່ງການຊ່ວຍເຫຼືອຈາກສາກົນ;

- ປະສານງານກັບກະຊວງທີ່ກ່ຽວຂ້ອງ: ສາທາລະນະສຸກ; ສັງຄົມສົງເຄາະ; ມະຫາດໄທ ແລະ ກະຊວງປ້ອງກັນຊາດ; ປະສານກັບການຈັດຕັ້ງອາສາສະໝັກຊາວໜຸ່ມກາແດງໃນການຊ່ວຍເຫຼືອມະນຸດສະທຳ; ວຽກງານເລືອດ ແລະ ການສົງເຄາະກະທັນຫັນ.

'''ໄລຍະທີ:II. (1975  - ປະຈຸບັນ)'''.

ຊື່ວ່າ: ສະພາກາແດງລາວ  ເຄື່ອນໄຫວຕາມນິຕິກຳດັ່ງນີ້: ມະຕິກອງປະຊຸມໃຫຍ່ຜູ້ແທນປະຊາຊົນທົ່ວປະເທດ ຄັ້ງວັນທີ 02 ທັນວາ 1975 ວ່າດ້ວຍການແຕ່ງຕັ້ງຄະນະລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວ, ຈາກນັ້ນສະພາລັດຖະມົນຕີແຫ່ງ ສ.ປ.ປ ລາວ ໄດ້ອອກດຳລັດເລກທີ 113/ສນຍ, ລົງວັນທີ 28 ກໍລະກົດ 1978 ວ່າດ້ວຍການແຕ່ງຕັ້ງຄະນະສະພາກາແດງລາວ ປະກອບມີ 05 ທ່ານ: ທ່ານ ດຣ. ຄຳລຽງ ພົນເສນາ ເປັນປະທານ; ທ່ານ ດຣ. ແກ້ວ ພິມມະຈັນ ເປັນຮອງປະທານ; ທ່ານ ດຣ. ອຸດົມ ສຸວັນນະວົງ ເປັນ ຮອງປະທານ; ທ່ານ ດຣ. ບຸນພັກ ເພັດດາລາ ເປັນກຳມະການ ແລະ ທ່ານ ດຣ. ກູ່ແກ້ວ ໄຊໂກສີ ເປັນກຳມະການທັງເປັນເລຂາທິການສະພາກາແດງລາວ ແລະ ມີສຳນັກງານໃຫຍ່ຕັ້ງຢູ່ບ້ານຊຽງຍືນເຊັ່ນດຽວກັນ'''.'''

ປີ 1999 ປ່ຽນຊື່ມາເປັນ '''ອົງການກາແດງລາວ''' ເຄື່ອນໄຫວພາຍໃຕ້ນິຕິກຳ ສອງ ສະບັບຄື: ດຳລັດ36/ນຍລົງວັນທີ 21 ເມສາ 1999 ວ່າດ້ວຍການຈັດຕັ້ງຂອງອົງການກາແດງລາວ ແລະ ດຳລັດ138 / ລບ, ລົງວັນທີ 13 ພຶດສະພາ 2013 ວ່າດ້ວຍການຈັດຕັ້ງ ແລະ ເຄື່ອນໄຫວຂອງອົງການກາແດງລາວ.

== ພາລະບົດບາດ ==
1. ການຊ່ວຍເຫຼືອບັນເທົາທຸກເບື້ອງຕົ້ນ;

2. ການປຸກລະດົມຂົນຂວາຍບໍລິຈາກເລືອດ ແລະ ການສະໜອງເລືອດທີ່ປອດໄພ;

3. ການສົ່ງເສີມສຸຂະພາບຂັ້ນພື້ນຖານ;

4. ການປະຖົມພະຍາບານ;

5. ການກູ້ໄພສຸກເສີນ;

6. ການໂຄສະນາ ຂົນຂວາຍແຫຼ່ງທຶນ;

7. ການສ້າງສະມາຊິກ ແລະ ອາສາສະໝັກກາແດງ;

8. ການສືບທາວຫາຍາດພີ່ນ້ອງ;

9. ການພົວພັນ ແລະ ຮ່ວມມືສາກົນ.

== ໂຄງປະກອບການຈັດຕັ້ງ ==
'''ໂຄງປະກອບກົງຈັກ ຂອງອົງການກາແດງແຫ່ງຊາດລາວ ປະກອບມີ:'''

1. ຫ້ອງການອົງການກາແດງແຫ່ງຊາດລາວ;

2. ຫ້ອງການຂົນຂວາຍແຫຼ່ງທຶນ ແລະ ຊ່ວຍເຫຼືອບັນເທົາທຸກ;

3. ຫ້ອງການສົ່ງເສີມສຸຂະພາບຊຸມຊົນ

4. ສະຖາບັນເລືອດແຫ່ງຊາດ.

== ຕິດຕໍ່ພົວພັນ ==
ສຳນັກງານ: ຖະໜົນເສດຖາທິລາດ, ຮ່ອມ 1, ບ້ານຊຽງຍືນ, ເມືອງຈັນທະບູລີ, ນະຄອນຫຼວງວຽງຈັນ

ໂທ:

ເວັບໄຊ: http://www.laoredcross.org.la/

ອີເມວ:
[[ໝວດ:ການແພດ]]